Benjamin Thorpe
Benjamin Thorpe, nado en 1782 e finado en Chipwick o 19 de xullo de 1870, foi un filólogo británico. A súa área de especialización era o inglés antigo e as linguas xermánicas en xeral. Foi o encargado de editar moitos textos da época anglosaxoa.
| Biografía | |
|---|---|
| Nacemento | 1782  |
| Morte | 19 de xullo de 1870 (87/88 anos) Chiswick |
| Datos persoais | |
| País de nacionalidade | Reino Unido de Gran Bretaña e Irlanda Reino de Gran Bretaña |
| Educación | Universidade de Copenhague |
| Actividade | |
| Campo de traballo | Literatura anglosaxoa, mitoloxía, literatura inglesa e filoloxía inglesa |
| Lugar de traballo | Gran Londres |
| Ocupación | historiador , scholar of English (en)  , historiador da literatura , tradutor , filólogo , teórico literario |
| Membro de | |
| Profesores | Rasmus Rask |
| Lingua | Lingua inglesa |
Premios | |
 | |
Traxectoria editar
As orixes de Benjamin Thorpe son descoñecidas. Sábese que foi a Dinamarca en 1826 para estudar filoloxía xermánica na Universidade de Copenhague con Rasmus Rask . Permanece alí por catro anos. Durante este período, casou con Mary Anne Otté, unha muller inglesa cuxo marido danés morrera nas Indias Occidentais Danesas en 1820. A súa filla Elise Otté, nada en 1818, converteuse en estudante de Thorpe e pronto coñeceu o suficiente islandés e inglés antigo para servir como asistente no seu traballo [1][2].
Thorpe regresou a Inglaterra en 1830 coa súa esposa e a súa nora. O mesmo ano aparece a súa tradución inglesa da gramática do inglés antigo de Rask. Dous anos máis tarde, en 1832, publicou unha edición dos poemas do manuscrito Junius. Este é a primeira dunha longa serie de publicacións. Ata a súa morte, corenta anos máis tarde, Thorpe editou e traduciu gran parte da literatura antiga inglesa aínda existente, incluíndo o Beowulf, os poemas do Libro de Exeter, as homilías de Ælfric, os Apolonio de Tiro en prosa e varias versións da Crónica anglosaxoa. Tamén é autor dunha tradución da Edda poética e das crónicas de Florencio de Worcester, así como dos libros de Johann Martin Lappenberg sobre a historia dos anglosaxóns.[1]
O traballo de Thorpe forma parte dun período no que o estudo do inglés antigo é feito principalmente por investigadores alemáns ou daneses. O seu único importante contemporáneo británico é John Mitchell Kemble. Termina a súa vida en Chiswick [1].
Algunhas obras editadas ou traducidas por Benjamin Thorpe editar
- 1830: A Grammar of the Anglo-Saxon Tongue de Rasmus Rask.
- 1832: Cædmon's metrical paraphrase of parts of the holy scriptures in Anglo-Saxon.
- 1834: The Anglo-Saxon version of the story of Apollonius of Tyre.
- 1834: Analecta Anglo-Saxonica.
- 1835: Libri psalmorum versio antiqua Latina; cum paraphrasi Anglo-Saxonica.
- 1840: Ancient Laws and Institutes of England.
- 1842: The Holy Gospels in Anglo-Saxon.
- 1842: Codex Exoniensis: a Collection of Anglo-Saxon Poetry.
- 1843-1846: The Homilies of the Anglo-Saxon Church.
- 1845: A History of England under the Anglo-Saxon Kings de Johann Martin Lappenberg.
- 1848-1849: Florentii Wigorniensis monachi Chronicon ex chronicis ab adventu Hengesti.
- 1851: Northern Mythology … from Original and other Sources.
- 1853: Yule Tide Stories: a Collection of Scandinavian and North German Popular Tales and Traditions.
- 1854: The Life of Alfred the Great de Reinhold Pauli.
- 1855: The Anglo-Saxon Poems of Beowulf.
- 1857: A History of England under the Norman Kings de Johann Martin Lappenberg.
- 1861: The Anglo-Saxon Chronicle, According to the Several Authorities.
- 1865: Diplomatarium Anglicum aevi Saxonici.
- 1866: Edda Sæmundar hinns frôða.
Notas editar
Véxase tamén editar
Bibliografía editar
- Baigent, Elizabeth (2004). "Otté, Elise Charlotte (1818-1903)", Oxford Dictionary of National Biography, Oxford University Press (en inglés).
- Niles, John D. (2015). The Idea of Anglo-Saxon England 1066–1901 (en inglés). Wiley-Blackwell. ISBN 978-1-118-94332-8.
- Seccombe, Thomas e Haigh, John D. (rev.) (2004). "Thorpe, Benjamin (1781/2-1870)", Oxford Dictionary of National Biography, Oxford University Press (en inglés).