Basílica do Sacré Cœur

A Basílica do Sacré-Cœur (en galego, do Sagrado Corazón) é un edificio de París (Francia), situado no alto do outeiro de Montmartre.

Basílica do Sacré Cœur
Tipo	igrexa, basílica menor, atracción turística, igrexa votiva e templo expiatório (pt)
Epónimo	Sagrado Corazón de Xesús
Estilo	arquitectura neobizantina e neorrománico
Material usado	travertino
Persoas e organizacións
Diocese	Arquidiocese de París
Arquitecto/a	Paul Abadie
Dedicado a	Sagrado Corazón de Xesús
Visitantes anuais (2017)  10000000 (2014)  11000000
Datas
Fundación	1875
Acontecementos
1875	comezo da construción
13 de agosto de 1919	Decretum "De titulo Basilicae Minoris"
1 de xuño de 1980	visita papal (pt)  Xoán Paulo II, papa
Dimensións
Altura	83 m
Localización
48°53′12″N 2°20′35″L
Estado	Francia
Institución pública	Metrópole do Gran París
Colectividade territorial francesa cun status especial	París
Distrito municipal	18º distrito de París
Barrio administrativo	Clignancourt (en)
Rúa	rue du Chevalier-de-La-Barre
Código postal	75018
Patrimonio cultural
Monumento histórico clasificado
Data	13 de decembro de 2022
Identificador	PA75180004
Monumento histórico inscrito
Data	8 de decembro de 2020
Data de remate	13 de decembro de 2022
Identificador	PA75180004
Contacto
Páxina WEB	sacre-coeur-montmartre.com
Redes
[ Wikidata ] [ G:Commons ] [ C:Commons ]

Trátase dunha basílica adicada ao Sagrado Corazón de Xesús (en francés, Sacré Cœur de Jésus). Inicialmente foi concibida como un monumento público para render homenaxe á memoria dos numerosos cidadáns franceses que perderan a vida durante a Guerra franco-prusiana e para expiar os pecados cometidos pola comuna. Foi o arquitecto Paul Abadie quen gañou o concurso para a súa construción.

A primeira pedra colocouse en 1875, e aínda que se completou en 1914, non se consagrou ata o fin da primeira guerra mundial, en 1919. A igrexa foi construída coa participación directa do goberno da Terceira República, para celebrar así o comezo dun novo réxime, cuxas leis constitucionais foron votadas ese mesmo ano.

Aínda que moi controvertido, é un dos monumentos máis visitados de París. A basílica ten forma de cruz grega, adornada con catro cúpulas: o domo central, de 80 m de altura, está tocado por unha lanterna, formada por unha columnata. Na ábsida, unha inmensa torre cadrada fai ás veces de campanario que garda, entre outras, La Savoyarde, unha campá de 3 m de diámetro e máis de 26 t de peso, ofrecida pola diocese de Chambéry. A cripta posúe a mesma disposición cá igrexa, e é unha das curiosidades da basílica.

A arquitectura da basílica inspírase na arquitectura romana e bizantina e influíu noutros edificios relixiosos do século XX, por exemplo a basílica de Sainte-Thérèse de Lisieux. É posible acceder á basílica tomando o funicular de Montmartre.

Ligazóns externas

• A Basilique du Sacré Cœur de Montmartre — Sitio oficial (en francés e inglés)