Baixa

Para a baixa por enfermidade véxase: Incapacidade temporal.

Unha baixa é unha persoa vítima dun accidente, lesión ou trauma. A palabra baixas utilízase sobre todo nos medios de comunicación para describir as mortes e lesións provocadas por unha guerra ou desastre. O público xeral confunde ás veces o termo baixa co de vítima mortal (morto), pero as lesións non letais tamén son baixas.

Na operación do Desembarco de Normandía producíronse numerosas baixas.

No seu uso militar, as baixas teñen ás veces un significado máis específico, e fan referencia a todas as persoas perdidas para o servizo militar, o que inclúe os mortos en combate, mortos por enfermidade, incapacitados por lesións físicas ou mentais, capturados, desertados e desaparecidos. As feridas menos serias que non impiden a unha persoa combater non se adoitan contar como baixas. A suma das baixas coñécese como conta de baixas.

Antes da segunda guerra mundial, as mortes por enfermidade adoitaban superar ás mortes en combate. Historicamente, o 20-30% dos alcanzados en combate morrían mentres que o resto sobrevivía. Isto é, a proporción de feridos e mortos era de 3 a 1.

Véxase tamén

Outros artigos

• Dano colateral
• Baixas civís
• Paciente