BATSAT
BATSAT (acrónimo de Broadband Advanced Technologies Satellite), coñecido tamén como Teledesic T1, foi un satélite artificial de Teledesic lanzado o 26 de febreiro de 1998 mediante un foguete Pegasus XL desde a base Vandenberg da Forza Aérea.[5][2][4]
| BATSAT / Teledesic T1 | |
|---|---|
| Tipo | Experimental |
| Organización | Teledesic |
| Contratistas principais | Orbital Sciences Corporation |
| Data de lanzamento | 26 de febreiro de 1998[1][2][3][4] |
| Foguete portador | Pegasus XL[5][2] |
| Sitio de lanzamento | Base Vandenberg da Forza Aérea[5][2] |
| Decaemento | 9 de outubro de 2000[1] |
| NSSDC ID | 1998-012B |
| Masa | 120 kg[5][2][4] |
Características editar
BATSAT foi un satélite experimental e demostrador tecnolóxico previo para a constelación de satélites de comunicacións de Teledesic. Foi lanzado a unha órbita baixa (565 km de altura) desde a que se fixeron probas operativas simulando un satélite en produción. Entre os parámetros estudados co satélite estiveron o arrastre atmosférico á altura de operación do satélite, o control de potencia das ligazóns de radio, o retardo na propagación da radio en banda Ka debido á atmosfera, a sincronización co GPS, a estabilidade da ligazón láser e as interferencias causadas polo Sol e a Lúa. Despois de cumprir a súa misión, BATSAT reentrou na atmosfera terrestre o 9 de outubro de 2000.[5][2]
Notas editar
- ↑ 1,0 1,1 "BATSAT" (en inglés). 2022. Consultado o 31 de agosto de 2022.
- ↑ 2,0 2,1 2,2 2,3 2,4 2,5 NASA (27 de abril de 2022). "BATSAT" (en inglés). Consultado o 31 de agosto de 2022.
- ↑ "Note verbale dated 22 July 1998 from the Permanent Mission of the United States of America to the United Nations (Vienna) addressed to the Secretary-General" (PDF). COMMITTEE ON THE PEACEFUL USES OF OUTER SPACE (98-55196 (E)): 16. 4 de agosto de 1998. Consultado o 31 de agosto de 2022.
- ↑ 4,0 4,1 4,2 Mark Wade (2022). "BATSAT" (en inglés). Consultado o 31 de agosto de 2022.
- ↑ 5,0 5,1 5,2 5,3 5,4 Gunter Dirk Krebs (2022). Gunter's Space Page, ed. "BATSAT (Teledesic T1)" (en inglés). Consultado o 31 de agosto de 2022.