Aturuxo (Boiro)
Aturuxo, é unha asociación cultural de carácter nacionalista, que reivindica o dereito de autodeterminación para Galiza e o uso do galego como única lingua lexítima para o pobo galego. Informalmente, existe dende o ano 2007, máis constituíse legalmente en xaneiro do ano 2008. Dende o 16 de febreiro de 2008 tamén dispón dun local social situado no casco urbano de Boiro .
| Aturuxo | |
|---|---|
| Tipo | asociación cultural |
| Data de fundación | 2007 |
| Sede | Boiro |
| País | Galicia |
| [ editar datos en Wikidata ] | |
Traxectoria editar
No ano 2007, un grupo de mozos e mozas de Boiro, decidiron asociarse para desenvolver na súa comarca un labor de defensa da lingua e dos dereitos que Galiza ten como nación. O primeiro acto que organizaron foi o Día das Letras Galegas do 2007, que ese ano se dedicou a María Mariño Carou.
Constituíronse legalmente como "Asociación Cultural Aturuxo" o 1 de xaneiro do 2008, e o 16 de febreiro dese mesmo ano, inauguraron o seu local social situado no número 118 da rúa Principal de Boiro. En 2014 recibiron o Premio Martín Códax da Música na categoría de sala.