Atomizer
Atomizer é o álbum de estrea da banda estadounidense de punk rock Big Black, editado o 1 de xaneiro de 1986 a través do selo Homestead Records.[2]
| Atomizer | ||||
|---|---|---|---|---|
| Álbum de Big Black | ||||
| Publicado | 1 de xaneiro de 1986 | |||
| Duración | 37:37 | |||
| Xénero(s) | noise rock, post-hardcore, rock industrial[1] | |||
| Selo(s) | Homestead Records | |||
| Produtor | Steve Albini | |||
| Cronoloxía | ||||
| ||||
| Na rede | ||||
  | ||||
| [ editar datos en Wikidata ] | ||||
Foi publicado en CD, co EP Headache e o sinxelo "Heartbeat", co nome The Rich Man's Eight Track Tape, onde se eliminou a canción instrumental "Strange Things", ademais do libreto do LP orixinal. Isto débese á aversión de Steve Albini ao formato CD.
Sinxelos
editarUnha canción do álbum, "Big Money", foi lanzada como cara b do sinxelo "Il Duce" antes da edición de Atomizer. Homestead Records tamén publicou "Big Money" e "Il Duce" como a cara a dun disco de 12", con tres temas ao vivo na cara b (incluída a versión en directo de "Cables", que aparecería en Atomizer) co acordo de que o 12" se usase só par propósitos promocionais. O selo enviou o 12" de promoción a emisoras de radio, e despois vendeu copias extra fóra de Chicago, a cidade de Big Black, agardando que a banda non se enterase. Cando o fixo, Big Black deixou Homestead e fichou por Touch and Go Records.[3]
Continuación e lanzamentos en CD
editarNo ano seguinte ao lanzamento de Atomizer, Big Black gravou o seu EP de catro cancións Headache e publicouno cun adhesivo que dicía, "Atención! Non tan bo como Atomizer, así que non te fagas ilusións". O mesmo adhesivo tamén aparece nalgunhas copias do EP de Sonic Youth Master=Dik. Ese mesmo ano Atomizer foi recompilado nun CD xunto co EP Headache e o sinxelo "Heartbeat" co nome de The Rich Man's Eight Track Tape. O CD omitiu o tema 9 "Strange Things", así como a arte e o libreto dos discos orixinais. No seu lugar, Steve Albini expresou o seu desgusto xeral co formato CD no libreto dicindo, "Este disco compacto, compilado para explotar a aqueles de vostedes o suficientemente crédulos como para posuír o bastardo sistema de música dixital de primeira xeración, contén masters completamente analóxicos. Os discos compactos son bastante duradeiros, sendo esta a súa única vantaxe sobre os medios musicais reais. Debe aproveitar cada oportunidadi para rascalos, tomarlles pegadas dactilares e comer sándwiches de ovo e touciño neles. Nov se preocupe pola súa lonxevidade, xa que Philips declararaos obsoletos cando comece a seguinte fase da bonanza tecnolóxica que exprime o mercado".[4]
Listaxe de cancións
editarTódolos temas escritos e compostos por Big Black.
| N.º | Título | Duración |
|---|---|---|
| 1. | "Jordan, Minnesota" | 3:20 |
| 2. | "Passing Complexion" | 3:05 |
| 3. | "Big Money" | 2:30 |
| 4. | "Kerosene" | 6:05 |
| 5. | "Bad Houses" | 3:10 |
| 7. | "Fists of Love" | 4:21 |
| 8. | "Stinking Drunk" | 3:27 |
| 9. | "Bazooka Joe" | 4:23 |
| 10. | "Strange Things" | 3:54 |
| 11. | ""Cables" (ao vivo)" | 3:12 |
Notas
editar- ↑ "Big Black - Atomizer". AllMusic (en inglés). Consultado o 2022-12-15.
- ↑ "Big Black - Atomizer" (en castelán). Consultado o 2022-12-15.
- ↑ Azerrad, Michael (2002). Our band could be your life : scenes from the American indie underground 1981-1991 (First Back Bay paperback edition ed.). Boston. p. 314. ISBN 0-316-78753-1. OCLC 50483014.
- ↑ "The Rich Man's Eight Track Tape - Big Black". Touch and Go. Consultado o 2022-12-15.