Arthrospira platensis
| Arthrospira platensis | |||||||||||||||
|---|---|---|---|---|---|---|---|---|---|---|---|---|---|---|---|
 Unha soa colonia de Arthrospira platensis | |||||||||||||||
| Clasificación científica | |||||||||||||||
| |||||||||||||||
Arthrospira platensis é unha especie de cianobacteria filamentosa gramnegativa. Esta bacteria é un fotoautótrofo non fixador de nitróxeno.[1] Foi illada no lago Chenghai da China, nos lagos de sosa de África oriental, e lagos alcalinos subtropicais.[2][3][4] Utilízase (xunto con outras especies do seu xénero) para producir o alimento espirulina.
Morfoloxía editar
Arthrospira platensis é unha bacteria filamentosa e móbil. A súa motilidade describiuse como un deslizamento vigoroso sen flaxelo visible.[1]
Metabolismo editar
Como fotoautótrofo a súa fonte de carbono principal é o dióxido de carbono, mentes que a auga é a súa fonte de electróns para realizar a redución do CO2.
Xenética editar
Ten un só cromosoma circular que contén 6,8 Mb e 6.631 xenes.[1] O contido G+C determinouse que era do 44,3%.[1]
Condicións de crecemento editar
A. platensis atópase en ambientes cunha alta concentración de carbonato e bicarbonato. Tamén pode encontrarse en concentracións salinas altas debido á súa tolerancia a álcalis e sales. O óptimo de temperatura para este organismo é de arredor de 35 °C.[2] Baseándose nas condicións ambientais, o medio de cultivo adoita ter un pH entre 9-10, sales inorgánicos e altas concentracións de bicarbonato.[2]
Usos editar
A. platensis usouse no pasado e no presente como alimento ou suplemento alimentario, que é máis coñecido por espirulina (ou spirulina), porque antes a especie estaba clasificada no xénero Spirulina. A espirulina véndese como suplemento saudable en forma de pos ou tabletas debido aos seus altos niveis de ácidos graxos esenciais e insaturados, vitaminas, minerais dietéticos e antioxidantes.[5] Despois do desastre de Chernobil, déuselle espirulina ás vítimas debido ás súas propiedades antioxidantes para evitar os efectos adversos das especies reactivas do oxíxeno.[6] As proteínas extraídas de A. platensis poden utilizarse en alimentos como axentes espesantes[7] ou estabilizantes de emulsións[8] ou escumas.[9] O complexo captador de luz de A. platensis ficocianina, pode extraerse como un pigmento pulverulento azul e usarse como colorante alimentario azul.[10] Como as células de A. platensis conteñen hidroxenases e poden producir hidróxeno, son candidatas para a produción de fontes de enerxía renovable.[11]
Notas editar
- ↑ 1,0 1,1 1,2 1,3 Fujisawa T, Narikawa R, Okamoto S, Ehira S, Yoshimura H, Suzuki I, et al. (abril de 2010). "Genomic structure of an economically important cyanobacterium, Arthrospira (Spirulina) platensis NIES-39". DNA Research 17 (2): 85–103. PMC 2853384. PMID 20203057. doi:10.1093/dnares/dsq004.
- ↑ 2,0 2,1 2,2 Masojídek J, Torzillo G (2008). "Mass Cultivation of Freshwater Microalgae". Encyclopedia of Ecology. Elsevier. pp. 2226–2235. ISBN 9780080454054. doi:10.1016/b978-008045405-4.00830-2.
- ↑ Xu T, Qin S, Hu Y, Song Z, Ying J, Li P, et al. (agosto de 2016). "Whole genomic DNA sequencing and comparative genomic analysis of Arthrospira platensis: high genome plasticity and genetic diversity". DNA Research 23 (4): 325–38. PMC 4991836. PMID 27330141. doi:10.1093/dnares/dsw023.
- ↑ Kebede E, Ahlgren G (October 1996). "Optimum growth conditions and light utilization efficiency of Spirulina platensis (= Arthrospira fusiformis) (Cyanophyta) from Lake Chitu, Ethiopia". Hydrobiologia 332 (2): 99–109. doi:10.1007/bf00016689.
- ↑ Capelli, Bob; Cysewski, Gerald R. (abril de 2010). "Potential health benefits of spirulina microalgae*: A review of the existing literature". Nutrafoods 9 (2): 19–26. doi:10.1007/BF03223332.
- ↑ Small, Ernest (decembro de 2011). "37. Spirulina – food for the universe". Biodiversity 12 (4): 255–265. doi:10.1080/14888386.2011.642735.
- ↑ Grossmann, Lutz; Hinrichs, Jörg; Weiss, Jochen (24 September 2020). "Cultivation and downstream processing of microalgae and cyanobacteria to generate protein-based technofunctional food ingredients". Critical Reviews in Food Science and Nutrition 60 (17): 2961–2989. PMID 31595777. doi:10.1080/10408398.2019.1672137.
- ↑ Böcker, Lukas; Bertsch, Pascal; Wenner, David; Teixeira, Stephanie; Bergfreund, Jotam; Eder, Severin; Fischer, Peter; Mathys, Alexander (February 2021). "Effect of Arthrospira platensis microalgae protein purification on emulsification mechanism and efficiency". Journal of Colloid and Interface Science 584: 344–353. Bibcode:2021JCIS..584..344B. PMID 33070074. doi:10.1016/j.jcis.2020.09.067.
- ↑ Buchmann, Leandro; Bertsch, Pascal; Böcker, Lukas; Krähenmann, Ursina; Fischer, Peter; Mathys, Alexander (decembro de 2019). "Adsorption kinetics and foaming properties of soluble microalgae fractions at the air/water interface". Food Hydrocolloids 97: 105182. doi:10.1016/j.foodhyd.2019.105182.
- ↑ Martelli, Giulia; Folli, Claudia; Visai, Livia; Daglia, Maria; Ferrari, Davide (xaneiro de 2014). "Thermal stability improvement of blue colorant C-Phycocyanin from Spirulina platensis for food industry applications". Process Biochemistry 49 (1): 154–159. doi:10.1016/j.procbio.2013.10.008.
- ↑ Dutta, Debajyoti; De, Debojyoti; Chaudhuri, Surabhi; Bhattacharya, Sanjoy K (decembro de 2005). "Hydrogen production by Cyanobacteria". Microbial Cell Factories 4 (1): 36. PMC 1343573. PMID 16371161. doi:10.1186/1475-2859-4-36.