Arnold Joseph Toynbee

Arnold Joseph Toynbee, nado en Londres, Reino Unido, o 14 de abril de 1889 e finado o 22 de outubro de 1975, foi un historiador e profesor británico que intentou sintetizar a historia universal.

Arnold Joseph Toynbee
Nacemento	14 de abril de 1889
Lugar de nacemento	Londres
Falecemento	22 de outubro de 1975 e 1975
Lugar de falecemento	York
Nacionalidade	Reino Unido
Relixión	Igrexa Anglicana
Alma máter	Winchester College e Balliol College, Oxford
Ocupación	historiador, profesor universitario, diplomático e filósofo
Pai	Harry Valpy Toynbee
Nai	Sarah Edith Marshall
Cónxuxe	Veronica Boulter Toynbee e Rosalind Murray
Fillos	Philip Toynbee, Lawrence Toynbee e Antony Harry Robert Toynbee
Irmáns	Jocelyn Toynbee
Coñecido por	A Study of History
Premios	Companion of Honour, Membro da Academia Britânica, doutor honoris causa da Universidade Federal do Ceará, honorary doctor of the University of Calcutta e sen etiquetar
Na rede
[ editar datos en Wikidata ]

Traxectoria

Sobriño do historiador da economía, Arnold Toynbee, con quen o confunden a miúdo, Arnold J. Toynbee naceu en Londres, estudou na Universidade de Oxford. En 1912 empezou o seu traballo de profesor no mesmo centro, onde pasou ao King's College (ensinando grego moderno e historia do imperio bizantino) e a London School of Economics, os dous na Universidade de Londres. Durante a primeira guerra mundial e tamén durante a segunda guerra mundial traballou para os servizos de intelixencia do Foreign Office británico e, ao final da guerra, asistiu como delegado á Conferencia de Paz de París de 1919.

A súa irmá, Jocelyn Toynbee (1897-1985) foi tamén unha recoñecida historiadora, arqueóloga e numismática.

Obra

A súa obra principal “Un estudo da historia” (título orixinal: A Study of History), en doce volumes aparecidos entre 1934 e 1961, é unha análise da historia mundial e as civilizacións nas que Toynbee aprecia uns ciclos de auxe e decadencia, aínda que sen o determinismo apuntado por Oswald Spengler.

As súas teorías han ter moito eco e influencia, algúns críticos, porén, cren que Toynbee dá demasiada influencia á relixión na evolución das civilizacións.