Jocelyn Toynbee
Jocelyn Mary Catherine Toynbee, nada o 3 de marzo de 1897 en Paddington (Westminster) e finada o 31 de decembro de 1985 en Oxford, foi unha historiadora, arqueóloga e numismática inglesa. Foi unha das principais expertas británicas en estudos artísticos da Antiga Roma e unha das máximas autoridades mundiais nese eido.[1][2][3]
.svg){kind=small}
Traxectoria editar
Jocelyn era filla de Harry Valpy Toynbee (1861-1941), secretario da organización caritativa Charity Organization Society, e da súa muller, Sarah Edith Marshall (1859-1939); o seu irmán Arnold J. Toynbee (1889-1975) foi tamén un salientable historiador.[1][4]
Jocelyn Toynbee cursou os seus estudos secundarios na escola de nenas Winchester High School e máis tarde a súa formación superior no Newnham College, da Universidade de Cambridge (1916-1920), onde se graduou con matrícula de honra en estudos clásicos.[1][5] Posteriormente completou a súa formación universitaria co seu doutoramento na Universidade de Oxford cunha tese acerca da escultura do período hadriánico.[6]
Exerceu como docente de estudos clásicos no St. Hugh's College, da Universidade de Oxford (1921-1924), na Universidade de Reading (1924-1927) e no Newnham College, da Universidade de Cambridge (1927-1951). De 1951 a 1962 exerceu nesta última universidade como profesora titular de Arqueoloxía Clásica.[1][7]
Ao longo da súa carreira, Toynbee mantivo fortes ligazóns coa Escola Británica de Roma, e foi presidenta da Facultade entre 1954 e 1959.[5]
En 1962, Toynbee foi a encargada de organizar unha grande exposición no museo Guildhal (o actual Museo de Londres) sobre a arte romana na Britania, que despois foi obxecto dunha publicación.[1][6][8]
Recoñecementos editar
- 1943: Membro da Sociedade de Anticuarios de Londres.[3]
- 1948: Medalla da Real Sociedade de Numismática.[9]
- 1952: Membro da Academia Británica.[3]
- 1956: Medalla Huntington da Sociedade Estadounidense de Numismática.[10]
- 1968: Doutora Honoris Causa pola Universidade de Liverpool.[11]
- 1973: Membro honorario internacional da Academia Estadounidense das Artes e das Ciencias.[12]
Ademais destes recoñecementos, en 1977 editouse un volume composto por vinte contribucións na honra de Jocelyn Toynbee con motivo do seu octoxésimo aniversario.[13] Na súa colaboración nesta obra conxunta, Martin Robertson afirma que “ninguén fixo máis que ela para establecer e deixar clara a profunda unidade da tradición artística grecorromana”.[14]
En 1988 publicouse un novo volume na memoria de Toynbee, composto por contribucións de P. Zanker, S. Walker, R. L. Gordon, M. Beard e J. M. Reynolds.[15]
Escolma de obras editar
Estas son algunhas das numerosas monografías publicadas por Toynbee ao longo da súa carreira como arqueóloga, historiadora e numismática:[16]
- (1934): The Hadrianic school: a chapter in the history of Greek art. Cambridge University Press.
- (1944): Roman Medallions. American Numismatic Society.
- (1948): A Roman decorated helmet and other objects from Norfolk. Society for the Promotion of Roman Studies.
- (1951): Some Notes on Artists in the Roman World.Revue d'études latines. Bruxelas.
- (1954): A Roman glass phalera from Carlisle. T. Wilson.
- (1955): An unusual Roman sherd from the Upchurch marshes. Headley Bros. Londres.
- (1956): The shrine of St. Peter and the Vatican excavations. Longmans. Londres e Nova York.
- (1956): Picture-language in Roman art and coinage. Londres.
- (1957): The Flavian Reliefs from the Palazzo delle Cancellaria in Rome. Oxford University Press.
- (1962): Art in Roman Britain. Phaidon Press for the Society for the Promotion of Roman Studies.
- (1963): A silver casket and strainer from the Walbrook Mithraeum in the City of London. Leiden, E.J. Brill.
- (1964): Art in Britain under the Romans. Clarendon Press.
- (1964): The Christian Roman mosaic : Hinton St. Mary Dorset. Dorset Natural History and Archaeological Society.
- (1964): Catalogue of the Romano-Britsh sculptures in the Gloucester city museum. A. E. Smith. Gloucester.
- (1965): The art of the Romans. Praeger. Nova York.
- (1967): A fragment of an early Christian sarcophagus. Pontificia Commissione di archeologia sacra.
- (1970): The early-Christian paintings at Santa Maria in Stelle near Verona. Verlag Aschendorff.
- (1971): Death and burial in the Roman world. Cornell University Press.
- (1971): Beasts and their names in the Roman Empire. Johnson. Nova York.
- (1971): Peopled scrolls: a Hellenistic motif in imperial art. Johnson. Nova York.
- (1973): Animals in Roman life and art. Cornell University Press.
- (1976): Roman Art. Penguin. Baltimore.
- (1978): Roman historical portraits. Cornell University Press.
Notas editar
- ↑ 1,0 1,1 1,2 1,3 1,4 "Toynbee, J. M. C. Arquivado 08 de xuño de 2019 en Wayback Machine.". Dictionary of Art Historians.
- ↑ Reynolds, J. M. (1993).
- ↑ 3,0 3,1 3,2 Todd, M. (2004).
- ↑ "Harry Valpy Toynbee". Geni.com
- ↑ 5,0 5,1 Hatfield, L. (1972).
- ↑ 6,0 6,1 Millett, M. (2016).
- ↑ "Toynbee, Jocelyn Mary Catherine". A Cambridge Alumni Database (ACAD).
- ↑ Toynbee, J. (1964). Art in Britain under the Romans. Oxford. Clarendon Press.
- ↑ "The Society's Medal". The Royal Numismatic Society.
- ↑ "Recipients of the Huntington Medal Award". No sitio web da American Numismatic Society.
- ↑ "Honorary Graduates of the University Arquivado 20 de febreiro de 2020 en Wayback Machine.". University of Liverpool.
- ↑ "Member Directory: Jocelyn Mary Catherine Toynbee". American Academy of Arts and Sciences.
- ↑ Munby, J.; Henig, M. (eds.) (1977).
- ↑ Robertson, M. "Jocelyn Toynbee - an appreciation". En Munby, J.; Henig, M. (eds.) (1977).
- ↑ Zanker, P. et al. (1988).
- ↑ "J. M. C. Toynbee". En WorldCat.
Véxase tamén editar
Bibliografía editar
- Hatfield, L. (1972). "Jocelyn Mary Catherine Toynbee". Papers of the British School at Rome. 40: 1-10.
- Millett, M. (2016). "Roman Britain since Haverfield". En Millett, M.; Revell, L.; Moore, A. J. (eds.). The Oxford Handbook of Roman Britain. Oxford University Press. Páxinas 22-42.
- Munby, J.; Henig, M. (eds.) (1977). Roman Life and Art in Britain: a Celebration in Honour of the Eightieth Birthday of Jocelyn Toynbee Part i. Oxford. British Archaeological Reports. 41.
- Reynolds, J. M. (1993). "Jocelyn Mary Catherine Toynbee Arquivado 16 de novembro de 2018 en Wayback Machine.". En Proceedings of the British Academy. 80. 499-508.
- Todd, M. (2004). "Toynbee, Jocelyn Mary Catherine (1897-1985)". Oxford Dictionary of National Biography, Oxford University Press.
- Zanker, P. et al. (1988). Image and mystery in the Roman world : three papers given in memory of Jocelyn Toynbee. Gloucester. Alan Sutton.