Arnau Canal
Arnau Canal Truy, nado en Sant Hipòlit de Voltregà o 28 de febreiro de 2000, é un xogador de hóckey a patíns catalán, que xoga como defensa-medio no Reus da OK Liga.
| Biografía | |
|---|---|
| Nacemento | 28 de febreiro de 2000  (24 anos)Sant Hipòlit de Voltregà, España |
| Datos persoais | |
| País de nacionalidade | España |
| Actividade | |
| Ocupación | xogador de hóckey a patíns |
| Deporte | hóckey a patíns |
Traxectoria editar
Formouse como xogador de hóckey a patíns na canteira do Voltregà da súa vila natal, debutando co primeiro equipo na OK Liga na tempada 2018/19, con 18 anos.[1] Ao ano seguinte, integrado xa plenamente no primeiro equipo, marcou 10 goles en liga e catro na Copa WSE. As súas cifras incrementáronse nas tempadas 2020/21 e 2021/22, con 23 e 24 goles en liga respectivamente. Na segunda delas marcou ademais 10 tantos na Copa WSE, rematando como segundo máximo goleador da competición, só por detrás dos 12 do tamén catalán Martí Casas.[2]
En xullo de 2022 anunciouse a súa fichaxe polo Liceo coruñés, vixente campión de liga.[3] Militou unha campaña no club coruñés, acadando o subcampionato de liga. En xuño de 2023 o club anunciou que o xogador non seguiría na entidade na vindeira tempada.[4] En agosto fíxose oficial a súa chegada ao Reus.[5]
Notas editar
- ↑ Zaballa, Pablo (10 de setembro de 2022). "El Liceo inicia su defensa del título de liga". El Ideal Gallego. Consultado o 19 de marzo de 2023.
- ↑ Varela, María (2 de xullo de 2022). "El Liceo desea el gol de Arnau Canal". La Opinión A Coruña (en castelán). Consultado o 19 de marzo de 2023.
- ↑ Gómez Cundíns, Pablo (4 de xullo de 2022). "El goleador Arnau Canal, cuarto fichaje del Deportivo Liceo". La Voz de Galicia (en castelán). Consultado o 19 de marzo de 2023.
- ↑ "Bruno Di Benedetto, Mati Bridge, Pol Manrubia e Àlex Rodríguez non continuarán no Liceo". 16 de xuño de 2023. Consultado o 2 de xaneiro de 2024.
- ↑ "Arnau Canal cierra la ambiciosa plantilla del Reus Deportiu" (en castelán). 9 de agosto de 2023. Consultado o 2 de xaneiro de 2024.
Véxase tamén editar
| A Galipedia ten un portal sobre: Hóckey a patíns |
Ligazóns externas editar
- Datos do xogador en ceroacero.es (en castelán).