Argimiro Rico Trabada
Argimiro Rico Trabada, nado en San Bernabel (Baleira) o 14 de setembro de 1905 e finado en Montecubeiro o 16 de outubro de 1937, foi un mestre e político galego.
| Biografía | |
|---|---|
| Nacemento | 14 de setembro de 1905  Baleira, España |
| Morte | 16 de outubro de 1937 (32 anos) Castroverde, España |
| Datos persoais | |
| País de nacionalidade | España |
| Actividade | |
| Ocupación | mestre , político |
| Lingua | Lingua castelá |
Traxectoria editar
Exerceu como mestre e fixo por libre os estudos de Maxisterio na Escola Normal de Santiago de Compostela (1924-1927). Foi mestre nas escolas da Fontaneira e San Bernabel. Organizou e foi director da Unión Cultural San Bernabé[1]. Organizou a Festa da Árbore na escola do San Bernabel o 10 de maio do 1934[2]. Visitaba asiduamente Montecubeiro, de onde procedía a súa nai, participando en actividades culturais desenvolvidas pola Unión de Labradores de Montecubeiro, e en mitins, como o do 14 de abril de 1936 para celebrar a festa da República, no que pronunciou un discurso defendendo a cultura como factor de liberación.
En outubro de 1937 un grupo de falanxistas fórono buscar á casa e levárono atado cara ao monte. Nunha taberna do camiño detivéronse a beber deixando a Argimiro atado á fachada; ao saír pegáronlle patadas e insultárono. Seguiron camiñando ata o lugar elixido onde lle cortaron os testículos e a lingua, sacáronlle os ollos e rematárono de varios tiros.
Notas editar
- ↑ El Pueblo Gallego, 13-11-1934, p. 13.
- ↑ El Pueblo Gallego, 9-5-1934, p. 13.
Véxase tamén editar
Bibliografía editar
- Gabriel, Narciso de (2000). "Vida e morte dun mestre republicano" (PDF). Sarmiento (4): 9–38. Consultado o 28 de xullo de 2013.