Ardeidos

Os ardeidos^[1] (Ardeidae) son unha familia de aves Pelecaniformes^[2]^[3] que inclúe máis de 60 especies, cuxos membros máis coñecidos son as garzas (tamén comprende os abetouros e gazotas).^[4] Os ardeidos hai quen os clasifica dentro da orde Ciconiiformes.

Ardeidos

Garza branca (Egretta thula)

Clasificación científica

Dominio:	Eukaryota
Reino:	Animalia
Filo:	Chordata
Subfilo:	Vertebrata
Clase:	Aves
Subclase:	Neornithes
Infraclase:	Neognathae
Superorde:	Neoaves
Orde:	Pelecaniformes
Familia:	Ardeidae Leach, 1820

Distribución mundial das garzas.

Xéneros

Arredor de 19 (véxase o texto)

Sinonimia

Cochlearidae

Son aves patilongas, e algunhas especies chegan a medir até 85 cm de alto. Xeralmente a súa plumaxe é branca, o seu peteiro amarelo e as súas longas patas grises, aínda que a plumaxe varía segundo a estación do ano. Aliméntanse de peixes, crustáceos e pequenos anfibios, e teñen como hábitat as zonas pantanosas ou próximas aos lagos de todo o mundo.

Xeralmente son aves solitarias, pero é normal velas reunidas en comunidade na época de cría. Aniñan en árbores altas, onde fan niños rudos, practicamente planos, e chegan a poñer até 6 ovos.

Taxonomía editar

Os ardeidos subdivídense en catro subfamilias e 19 xéneros, algúns discutidos:^[3]

Subfamilia Tigrisomatinae
- Tigrisoma (3 especies)
- Tigriornis
- Zonerodius
- Agamia (1 especie)
Subfamilia Cochleariinae
- Cochlearius
Subfamilia Botaurinae
- Zebrilus
- Ixobrychus (8 especies vivas, 1 recentemente extinta)
- Botaurus (4 especies)
- Dupetor (ás veces incluído en Ixobrychus)
Subfamilia Ardeinae
- Gorsachius (3 a 5 especies)
- Nycticorax (2 a 4 especies vivas, 5 recentemente extintas)
- Nyctinassa
- Butorides (3 especies; ás veces incluído en Ardea)
- Ardeola (6 especies)
- Bubulcus (1 ou 2 especies; ás veces incluído en Ardea)
- Ardea (11 a 17 especies)
- Pilherodius
- Syrigma (1 especie)
- Egretta (7 a 13 especies)