Antonio Varela Saavedra
Antonio Varela Saavedra, Tonecho, nado en Cambre en 1948, é un político galego do PSdeG-PSOE.
| Biografía | |
|---|---|
| Nacemento | 1948  (75/76 anos)Cambre, España |
| Alcalde de Cambre | |
| | |
| Datos persoais | |
| Outros nomes | Tonecho |
| País de nacionalidade | España |
| Actividade | |
| Ocupación | político |
| Partido político | Partido dos Socialistas de Galicia |
Traxectoria editar
Foi candidato número 2 do PSdeG-PSOE de Cambre nas eleccións municipais de 1979 e foi elixido concelleiro. Pese a sela forza máis votada, os socialistas quedaron na oposición debido a un pacto entre a UCD e unha formación independente. Porén, o alcalde centrista Antonio Fernández Becerra dimitiu en novembro de 1982 e foi elixido alcalde no seu lugar. Nas municipais de 1983 encabezou a candidatura do PSdeG-PSOE e foi reelixido alcalde cunha ampla maioría absoluta, situación que se repiteu en 1987, 1991, 1995 e 1999. Durante o seu mandato destacou o considerable crecemento de poboación do municipio, pasando de apenas 10.000 habitantes a mediados dos anos 80 a máis de 20.000 xa a mediados dos 2000, grazas en gran medida á súa proximidade coa cidade da Coruña, en especial o núcleo do Temple. Foi deputado provincial entre 1983 e 1995. Nas municipais de 2003 perdeu a maioría absoluta por un estreito marxe, aínda que debido ao incremento de poboación logrou o maior número de votos da súa historia. Desta forma, pactou un goberno de coalición co BNG.
De cara ás municipais de 2007 presentouse novo á alcaldía, aínda que sufriu diversos problemas internos[1] que derivaron en escisións[2][3]. Desta forma, perdeu votos e concelleiros, alonxándose aínda máis da maioría absoluta, polo que gobernou en minoría como cabeza da lista máis votada. En xullo de 2009 alcanzou un pacto de goberno co BNG[4], polo que volveu gobernar en maioría ata xaneiro de 2010, cando unha edil socialista abandonou o goberno. Non se presentou á reelección nas municipais de 2011 e retirouse da primeira liña política.
| Predecesor: Antonio Fernández Becerra |
.svg){kind=small} Alcalde de Cambre 1982 - 2011 |
Sucesor: Manuel Rivas Caridad |
Notas editar
- ↑ El alcalde de Cambre destituye a los ediles que promovieron la lista alternativa
- ↑ Varela será el candidato del PSOE y Marante el del PG en Cambre
- ↑ Ex militantes del PSOE constituyen Pobo Independente y critican la labor desarrollada por el gobierno
- ↑ El PSOE y el BNG de Cambre anunciarán hoy un nuevo pacto de gobierno