Anaram Au Patac
Anaram Au Patac (AAP) é unha organización marxista de Occitania. Defínese como un movemento de esquerda revolucionaria, partidario de construír unha sociedade nova, baseada na autonomía local, a cultura, a repartición das súas riquezas, a xustiza social e a solidariedade internacional.
| Anaram Au Patac | |
|---|---|
 | |
| Tipo | organización política |
| Ideoloxía | Nacionalismo occitano |
| Data de fundación | 23 de abril de 1992 |
| Data de disolución | 2009 |
| País | Francia |
| [ editar datos en Wikidata ] | |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2017.) |
Anaram Au Patac da apoio a toda iniciativa que consista no recoñecemento do occitano como lingua oficial así como ao recoñecemento de Occitania como nación, ao dereito de autodeterminación e a unha sociedade sen clases, polo que o lema da organización é “volem viure i decidir per aquest país” (queremos vivir e decidir por este país). Rexeitan a democracia capitalista actual e loitan por unha verdadeira democracia sen inxustizas nin a nivel económico nin por causas discriminatorias.
Realizan accións como manifestacións e xuntanzas occitanistas, pero baséanse moito na loita revolucionaria e contra a represión, como amosan cos seus abundantes comunicados dirixidos a Robert Arricau, preso político desta organización, ou tamén con manifestacións e comunicados contra a precariedade e o capital. Tamén teñen realizado ou participado nalgúns actos de carácter internacionalista como algúns a favor da loita zapatista en Chiapas ou outras contra a guerra, ou con outras nacións como Quebec, Euskal Herria, os Países Cataláns e outras.
O local de reunión da organización é a Tor deu Borrèu, en Pau, Bearn. Este é o centro social dos militantes, onde se fan bailes gascóns, concertos de punk-rock para xente nova, creación de bandeiras e bufandas para os manifestantes, xuntanzas antifascistas ou charlas de apoio aos presos ou ás vítimas da represión policial. Este local tamén é autoxestionado pola organización, xa que ten servizo de cafetería e recóllense cartos en festas e pódese falar occitano, catalán e éuscaro, tres idiomas que se entenden neste local. A parte disto, Anaram Au Patac ten unha revista sobre o que eles chaman ”un occitanismo radicalmente de esquerdas, aberto a debates sobre sociedade e política en Occitania e no mundo en xeral”, nomeada Har/Far.
Véxase tamén
editarLigazóns externas
editar|
Movementos políticos occitanos (occitanismo político) |
Alianza Libre Europea — Anaram Au Patac — Convergència Democràtica Aranesa - Partit Nacionalista Aranès — Gardarem la Tèrra — Hartèra — Iniciativa por Occitania — Liga per la Renaissença dei Libertats Niçardi — Linha Imaginòt — Movemento Rexionalista Lengadocián — Occitania Libertaria — País Nòstre — Paratge — Partido da Nación Occitana — Partit Occitan — Regions e Pòbles Solidaris — Unitat d'Aran — Unitat d'Òc
Comitat Occitan d'Estudis e d'Accion — Comitats d'Accion Occitana — Corrent Revolucionari Occitan — Entau País — Federacion Anarquista-Comunista d'Occitània — Lucha Occitana — Movement Autonomista Occitan — Partit Provençau — Pòble d'Òc — Volèm Viure al País |