Amphiarius
| Amphiarius | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| Clasificación científica | |||||||||||||||||
| |||||||||||||||||
| Especie tipo | |||||||||||||||||
| Arius rugispinis Valenciennes, 1840 (Hoxe, Amphiarius rugispinis) | |||||||||||||||||
| Especies | |||||||||||||||||
| |||||||||||||||||
Amphiarius é un xénero de peixes actinopterixios da orde dos siluriformes, familia dos aríidos e subfamilia dos ariinos.
Taxonomía editar
Descrición editar
O xénero foi descrito en 2007 polos ictiólogos brasileiros Alexandre Pires Marceniuk e Naércio Aquino de Menezes,[1] no seu traballo:
- Marceniuk, A. P. & Menezes, N. A. (2007): "Systematics of the family Ariidae (Ostariophysi, Siluriformes), with a redefinition of the genera". Zootaxa 1416: 1–126.
Etimoloxía editar
O nome científico Amphiarius está formado pola unión dos elementos Amphi- e -arius. O primeiro deriva do grego antigo ἀμφί amphí ("ambos") referíndose á aparición das especies incluídas no xénero tanto en augas doces como mariñas, e o segundo é Arius, o xénero tipo tanto da familia como da subfamilia.[2]
Especies editar
O xénero comprende soamente dúas especies:[1][3]
- Amphiarius phrygiatus (Valenciennes, 1840)
- Amphiarius rugispinis (Valenciennes, 1840)
Nota taxonómica editar
Amphiarius phrygiatus e A. rugispinis foron descritos orixinalmente por Achille Valenciennes en 1840 como especies de Arius, no que foron situados tradicionalmente. Tamén foron clasificados dentro do xénero Notarius. Desde entón, recoñeceuse que estas dúas especies forman unha agrupación natural e monofilética e suxeriuse que representaban un novo xénero sen describir. O xénero Amphiarius foi finalmente erixido para estas dúas especies en 2007.
Distribución editar
As dúas especies distribúense en augas mariñas, salobres e doces da costa occidental do océano Atlántico, no norte e no leste de América do Sur.[4]
Características editar
As especies de Amphiarius distínguense de todas as outras da familia pola presenza de placas dentarias accesorias que son de pequenas a moderadas, aproximadamente arredondadas e situadas lateralmente.
Notas editar
- ↑ 1,0 1,1 Amphiarius Marceniuk & Menezes, 2007 no WoRMS. Consultado o 6 de agosto de 2022.
- ↑ Amphiarius rugispinis en FishBase.
- ↑ Genus Amphiarius en FishBase.
- ↑ Nelson, J. S. 2006.
Véxase tamén editar
| Wikispecies posúe unha páxina sobre: Amphiarius |
Bibliografía editar
- Nelson, J. S. (2006): Fishes of the World (4ª ed.) Hoboken, Nova Jersey: John Wiley & Sons, Inc. ISBN 978-0-4712-5031-9.