Altruísmo

O altruísmo é un principio e práctica moral que implica comportarse procurando o benestar doutros seres humanos ou animais, sendo un concepto oposto ao egoísmo. Considérase unha virtude en moitas culturas e un aspecto fundamental de varias tradicións relixiosas e cosmovisións seculares.

Dar esmola aos pobres adóitase considerar unha acción altruísta.

Etimoloxía

O termo "altruísmo" foi acuñado en lingua francesa polo filósofo francés Auguste Comte, como altruisme, concepto antónimo do egoísmo, que á súa vez derivaba do italiano altrui, que proviña do latín alteri, que significa "outras persoas".