Alongos, Toén

San Martiño de Alongos é unha parroquia do concello ourensán de Toén na comarca de Ourense. No ano 2007 tiña 319 habitantes (177 homes e 142 mulleres), un menos ca en 2000. Ten dez entidades de poboación.

Alongos
Igrexa de San Martiño.
Concello	Toén
Provincia	Ourense
Coordenadas	42°19′27″N 8°01′56″O
Poboación	279 hab. (2017)
Entidades de poboación	10
[ editar datos en Wikidata ]

Patrimonio

A casa de Saco, situada no lugar do Outeiro, é a casa natal de Juan Antonio Saco y Arce. De gran tamaño, ten a estrutura propia das casas señoriais. Tiña capela propia, portalón blasonado cun escudo partido con cimera volta á destra, coas armas dos Feijoo e dos Martínez. A casa foi construída no século XVIII por Roque Martínez, abade de Santa María de Larouco e a súa anexa Santa María de Seadur. Muros de cadeirado de peche decorados con ameas.

A Casa da Corredoira ten escudos acuartelados con armas dos Enríquez, Puga e Pereira. En 1701 eran donos desta casa Silvestre Novoa Puga e a súa esposa Isabel de Cárdenas.

Galería de imaxes

• 
  Lagar en Alongos.
• 
  Lugar de Alongos.
• 
  Lugar do Outeiro.

Lugares e parroquias

Véxase tamén

Outros artigos

• Lugares de Toén