Alejandro Temblás Paz
Alejandro Temblás Paz, nado en Ourol e finado en Balteiro o 20 de abril de 1938, foi un político galego.
Biografía | |
---|---|
Nacemento | Ourol, España |
Morte | 20 de abril de 1938 Xerdiz, España |
Datos persoais | |
País de nacionalidade | España |
Actividade | |
Ocupación | político |
Partido político | Partido Socialista Obrero Español |
Lingua | Lingua castelá |
Familia | |
Irmáns | José Temblás Paz |
Traxectoria editar
Carpinteiro veciño de Merille e militante do PSOE. Na Segunda República foi presidente da Agrupación Socialista Obrero-Campesina de Merille afiliada á UGT e presidente da Casa del Pueblo. Foi vítima dun atentado cando alguén lle disparou a través da fiestra da súa casa. Co golpe de Estado do 18 de xullo de 1936 escapou ao monte e formou parte dunha partida de fuxidos. Foi xulgado en Lugo por auxilio á rebelión. A súa persecución e asasinato comezou no lugar do Candedo o 16 de abril de 1938, cando foi visto entrando por unha das fiestras da vivenda das irmás María Josefa e Felicitas Casabella, que lle prestaban axuda. Deron aviso á Garda Civil e os falanxistas e gardas civís cercaron a casa. Despois dun intercambio de disparos, Temblás saltou por unha fiestra, pero quedou ferido nunha perna ao caer sobre unha bancada; aínda así logrou fuxir e escapou polo monte ata Xerdiz. Finalmente foi localizado e asasinado no lugar de Balteiro o 20 de abril.