Alberte III de Namur

Alberte III de Namur, nado cara a 1027, finado no ano 1102, foi conde de Namur dende 1063 até a súa morte. Era fillo de Alberte II, conde de Namur, e de Rexelinda de Verdún (ou de Lotarinxia).

Alberte III de Namur

Biografía
Nacemento	1027
Morte	22 de xuño do 1102
Actividade
Ocupación	Soberano
Outro
Título	Duque
Familia	House of Namur (en)
Cónxuxe	Ida de Saxonia
Fillos	Godofredo de Namur Federico de Namur Alberte de Namur
Pais	Alberte II de Namur   e Regelindis of Lower-Lorraine (en)

Biografía

Entre o 1071 e 1072, Alberte III apoiou a Richilde do Henao, condesa de Flandres e do Henao, na súa pugna contra Roberto I de Flandres, pero esta foi derrotada e tivo que renunciar aos seus dereitos sobre Flandres. No 1076, apoiado por Matilde de Toscana, Alberte III reivindicou o ducado de Bouillón, ao que consideraba ter dereitos en razón da súa ascendencia materna, e combate a Godofredo de Bouillon para facer valer as súas pretensións. Durante unha batalla preto de Dalhem, o 20 de setembro de 1085, Alberte III matou o conde palatino Hermann II de Lotarinxia, o que lle fixo caer en desgraza ante o emperador xermánico. Finalmente, mediante a Tregua de Deus de 1086, o bispo de Liexa conseguiu que os contendentes alcanzasen a paz, en proveito dos intereses de Godofredo.

No 1099, o bispo Otberto de Liexa concedeulle o condado de Brunenferuz. Este aparece nun documento de 1101 asociado ao fillo de Alberte III, Godofredo.

Matrimonio e descendencia

Alberte III casou cara a 1065 con Ida de Saxonia (finada en 1102), viúva de Federico de Luxemburgo, duque da Baixa Lotarinxia. Ida parece ser filla de Bernardo II, duque de Saxonia. Tiveron cinco fillos:

• Godofredo I (n. 1068, m. 1139), conde de Namur.
• Henrique (n. 1070, m. 1138, conde da Roche.
• Federico (m. 1121), bispo de Liexa entre 1119 e 1121.
• Alberte (m. 1122), conde de Jaffa.
• Alix (n. 1068, m. a partir de 1124), casada en 1083 con Otón II, conde de Chiny.

Véxase tamén

Bibliografía

• The Boydell Press, ed. (2005). Chronicle of Hainaut. 

Ligazóns externas

Predecesor: Alberte II

Conde de Namur 1063-1102

Sucesor: Godofredo I