A honra e os cartos
A honra e os cartos (grego: Η Τιμή και το Χρήμα) é unha novela do escritor grego Konstantinos Theotokis, publicada orixinalmente no 1912.
| A honra e os cartos | |
|---|---|
 | |
| Título orixinal | Η τιμή και το χρήμα |
| Autor/a | Konstantinos Theotokis |
| Orixe | Grecia |
| Lingua | Grego |
| Data de pub. | 1912 |
| Primeira edición galega | |
| Tradución | Alfonso Blanco Quintela |
| Editorial | Hugin e Munin |
| Data de pub. | 2020 |
| [ editar datos en Wikidata ] | |
Contexto editar
A obra foi escrita entre os anos 1911 e 1912, cando Theotokis estaba a participar activamente no movemento socialista da súa illa nativa de Corfú.[1] Neste sentido, a trama expón temas como a opresión das clases traballadoras ou a emancipación das mulleres gregas.[1][2]
Sinopse editar
A honra e os cartos conta a historia de Rini, unha rapaza de familia humilde que namora de Andreas, orfo dun comerciante en decadencia que intenta recuperarse das débedas paternas. A súa relación, que transgrede as normas sociais imperantes, acabará desembocando na deshonra. Destaca tamén a presenza da nai de Rini, a señora Epistimi, que se esforza por sacar a diante á súa familia.[1][2]
A acción sitúase na illa de Corfú a comezos do século XX, pouco antes da primeira guerra dos Balcáns (1912-1913). Cun estilo realista, o autor describe a vida, a economía e as estruturas sociopolíticas da rexión durante este período.[1][3]
Adaptacións editar
A película I timi tis agapis ("O segredo do amor", 1984), de Tonia Marketaki, está baseada na novela de Theotokis.[4]
Traducións editar
- La honra y el dinero (2016). Tradución directa ao castelán de Panagiota Papadopoulou e Francisco Javier Moral Arévalo. Centro de Estudos Bizantinos, Neogregos e Chipriotas (Universidade de Granada).[3]
- A honra e os cartos (2020). Tradución directa ao galego de Alfonso Blanco Quintela. Hugin e Munin.[2]
Notas editar
- ↑ 1,0 1,1 1,2 1,3 Papadopoulou, Panagiota (2015). "La mujer en "La honra y el dinero" de Konstantinos Teotokis:". Estudios Neogriegos. Revista Científica de la Sociedad Hispánica de Estudios Neogriegos (en castelán) (17): 45–51. ISSN 1137-7003.
- ↑ 2,0 2,1 2,2 "A honra e os cartos – Editorial Hugin e Munin". Consultado o 2024-03-01.
- ↑ 3,0 3,1 Teotokis, Konstantinos (2017). La honra y el dinero. Centro de Estudios Bizantinos, Neogriegos y Chipriotas. ISBN 978-84-95905-85-7.
- ↑ Marketaki, Tonia. "I timi tis agapis". Consultado o 2024-03-01.