ANEGA

ANEGA
Tipo	Sindicato estudantil
Data de fundación	30 de abril de 2016
País	España
Na rede
	http://www.anega.gal/
	[ editar datos en Wikidata ]

A Asemblea Nacional das Estudantes Galegas (ANEGA) é un sindicato estudantil galego de carácter asembleario, que ten como obxectivo traballar en defensa dun ensino nacional, popular, científico, democrático e feminista. Pretende ser unha ferramenta "ampla, aberta, plural e participativa que aposta por un ensino público e galego de calidade"^[1].

Historia editar

Foi fundada o 30 de abril de 2016, como cumio dun proceso aberto a todo o estudantado galego denominado Asembleas de Base. A súa asemblea constituínte foi celebrada na Facultade de Dereito da Universidade de Santiago de Compostela, baixo o lema “Ensino galego para as maiorías sociais”.

Desde a súa creación, ANEGA participou de movementos de carácter aberto como a folga estudantil galega do 9 de marzo de 2017 ou a do 19 de abril de 2018, así como en diferentes asembleas abertas en centros de ensino de todo o territorio galego.

O 4 de maio de 2016, ANEGA entra por primeira vez no Claustro Universitario da Universidade de Santiago de Compostela, integrada na Candidatura Unitaria Estudantil (CUE), que será a candidatura maioritaria na representación estudantil tanto nesa ocasión como no seguinte proceso electoral^[2]. En 2021 ANEGA preséntase en solitario, sendo o sindicato estudantil con maior representación, mentres que unha escisión tomou o nome da CUE, obtendo resultados máis cativos^[3]. No curso 2021-2022, o sindicato paraliza a súa actividade^[4].