Benito Portela

Benito Portela Fernández
	Benito Portela Fernández
; Alcalde de Sada
	13 de xuño de 2015 – 18 de novembro de 2022
Precedido por	Ernesto Anido
Sucedido por	María Nogareda
; Alcalde de Sada;
	Actualmente no cargo
	Dende o 17 de xuño de 2023
Precedido por	María Nogareda
Datos persoais
Nacemento	1975 Sada
Partido	Anova-Sadamaioría
Alma máter	Universidade de Santiago de Compostela
Residencia	Carnoedo, Sada

Óscar Benito Portela Fernández, nado en Taibó (Sada) en 1975^[1], é un enxeñeiro e político galego de Anova.

Traxectoria editar

Enxeñeiro técnico agrícola pola Universidade de Santiago de Compostela. Foi o secretario do alcalde de Sada, o nacionalista Abel López Soto, entre 2008 e 2011.

Nas eleccións municipais de 2015 encabezou a candidatura de Sadamaioría á alcaldía de Sada e foi elixido alcalde co apoio de PSdeG-PSOE, BNG e o Partido Demócrata Sada Popular do exalcalde Ramón Rodríguez Ares^[2]. Nas municipais de 2019 acadou de novo a alcaldía^[3], sendo a forza máis votada e establecendo un pacto de goberno co BNG e Alternativa dos Veciños. En novembro de 2022, trala ruptura do pacto cos concelleiros de Alternativa, foi desaloxado da alcaldía por unha moción de censura apoiado por concelleiros tránsfugas de Alternativa, PPdeG e PSdeG e encabezada pola anterior candidata de AV María Nogareda^[4]. Finalmente recuperou a alcaldía tralas municipais de 2023, nas cales logrou de novo se-la forza máis votada e subiu 1 concelleiro, e recibiu o apoio do único edil do BNG, sen chegar os demais grupos a un acordo alternativo^[5].

Predecesor: Ernesto Anido Varela	Alcalde de Sada 2015 - 2022	Sucesor: María Nogareda
Predecesor: María Nogareda	Alcalde de Sada 2023 - actualidade	Sucesor: no cargo