Ángela Banzas
Ángela Banzas, nada en Santiago de Compostela o 12 de maio de 1982, é unha escritora galega en lingua castelá.[1]
Biografía | |
---|---|
Nacemento | 12 de maio de 1982 (41 anos) Santiago de Compostela, España |
Datos persoais | |
Educación | Universidade de Santiago de Compostela Universidade de Cambridge |
Actividade | |
Ocupación | escritora , consultora |
Traxectoria editar
Estudou Ciencias Políticas da Administración na Universidade de Santiago, cursando tamén o mestrado de Administración de Empresas na Escola Europea de Negocios de Madrid e un diploma na University of Cambridge.
Traballou na consultaría de Administración Pública antes de dedicarse á escrita de novela tipo thriller.[2]
En 2021 publicou El silencio de las olas. Conta a historia de Adela Roldán, cuxa vida se ve afectada polo pesadelo que a atormenta desde a infancia e a leva a unha aldea galega para investigar. En 2022 seguiu con La conjura de la niebla, que mestura a superstición e as lendas galegas coa investigación e un segredo familiar[3], a desaparición dunha adolescente, que sacode a pequena localidade de Illa de Cruces -unha illa ficticia inspirada na Illa de Arousa-.[4] En 2023 saíu La sombra de la rosa na que explora o terreo dos autores malditos e xunta misterio, intriga, crime, segredos familiares e relacións públicas[5], unha historia chea de misterio e malditismo ambientada na Illa de Cortegada.[6]
Obra editar
- El silencio de las olas (2021). Debolsillo. 664 páxs. ISBN 9788491295051.
- La conjura de la niebla (2022). Suma. 464 páxs. ISBN 9788491295969.
- La sombra de la rosa (2023). Suma. 432 páxs. ISBN 9788491298007.
Notas editar
- ↑ lecturalia.com. "Ángela Banzas: libros y biografía autora". Lecturalia (en castelán). Consultado o 2023-09-19.
- ↑ "Angela Banzas - Biografía y mejores libros". La Vanguardia (en castelán). 2022-11-23. Consultado o 2023-09-19.
- ↑ lecturalia.com (2023-07-20). La conjura de la niebla - Ángela Banzas (en castelán).
- ↑ "Ángela Banzas: "Os silencios e a ironía están no noso ADN. Forman parte da alma galega"". Pontevedra Viva. 2022-09-11. Consultado o 2023-09-19.
- ↑ lecturalia.com. La sombra de la rosa - Ángela Banzas (en castelán).
- ↑ Pontevedra, Diario de (2023-09-19). "Ángela Banzas: "La maternidad me hizo valiente para lanzarme a la escritura"". Diario de Pontevedra. Consultado o 2023-09-19.