Zemlya Vilcheka
Coordenadas: 80°35′00″N 60°30′00″L / 80.583333333333, 60.5
Zemlya Vilcheka (ruso: Земля Вильчека; Zemlya Vil'cheka, alemán: Wilczek-Land), é unha grande illa localizada que forma parte da Terra de Francisco Xosé, Rusia.
| Zemlya Vilcheka | |
|---|---|
 Localización da illa | |
 Mapa da illa | |
| Situación | |
| País |  Rusia |
| Óblast | Óblast de Arkhanguelsk |
| Arquipélago | Terra de Francisco Xosé |
| Mar | Océano Ártico |
| Xeografía | |
| Superficie | 2.203 km² |
| Longura máxima | 57 km |
| Largura máxima | 47 km |
| Perímetro | 231 km |
| Punto máis alto | 606 m Montañas Wüllerstorf |
| Demografía | |
| Poboación | Deshabitada |
Historia editar
Esta grande illa chámase así polo conde austro-húngaro Johann Nepomuk Wilczek.[1]. O conde Hans Wilczek era o patrocinador máis importante da Expedición Austro-Húngara do Polo Norte á Terra de Francisco Xosé.
Cabo Geller foi o lugar de invernada para dous dos membros da Expedición Welle de 1899 esperando o regreso do seu equipo do polo.
Esta illa non debe ser confundida coa pequena Illa Wilczek, "Остров Вильчека", situada ao suroeste da illa Salm, tamén no grupo de Francisco Xosé e nomeada pola mesma persoa.
Xeografía editar
Wilczek é a segunda illa máis grande do arquipélago Francisco Xosé. É case completamente glaciar excepto por dúas áreas estreitas ao longo das súas ribeiras occidentais. O punto máis alto da illa ten 606 m..
O Cabo Ganza (Mys Ganza) é o cabo máis occidental de Wilczek. A canle ao oeste, entre Wilczek e Gallya, é coñecido como Avstriyskyy Proliv (Австрийский пролив).[2]
Glaciares e cúpulas de xeo editar
A Kupol Arktirazvedki (Купол Арктиразведки), cúpula de xeo cobre a parte nordés da illa.[3] No lado occidental da cúpula de xeo Arktirazvedki hai dous glaciares, o Glaciar Stremitelny (Lednik Stremitel’nyy) "Glaciar corredor", ao oeste do cal flúe o Glaciar Molochny (Lednik Molochnyy) "Glaciar lácteo", ambos rematan na costa norte.[4]
Máis ao sur a cúpula de xeo de Kupol Tindalya (Купол Тиндаля), chamado así polo glaciólogo irlandés John Tyndall, cobre a área central do leste da illa.[5] Ao sueste dela flúe o Glaciar Znamenity (Lednik Znamenityy), que remata na costa sur, ao leste da cúpula de xeo o Kupol Oblachnyy (Купол Облачный) está situado no extremo sur da illa.[6]
Illas menores adxacentes editar
A costa da illa está bordeada por varias illas e illotes ribeiregos, sendo os principais:
- illa Klagenfurt (Остров Клагенфурт), unha pequena illa localizada a uns 9 km da costa, fronte á baía da costa meridional. Esta illa debe o seu nome a Klagenfurt (en esloveno: Celovec), a capital do estado de Carintia.
- illotes Gorbunova (Острова Горбунова; Ostrova Gorbunova), dous pequenos illotes localizados a menos de 1 km da costa, fronte a un dos cabos do tramo central da costa oriental (80°34′N 62°01′L / 80.567, -62.017), chamados así en honor ao naturalista ruso Gregory Petrovich Gorbunov (1894-1938).[7]
- un grupo de catro illotes situados a 1´5 km da costa, fronte ao cabo máis meridional da illa, chamados (de NE a SW):
- illote Derevyannyy (Остров Деревянный; Ostrov Derevyannyy);.
- illote Davis (Остров Дауэс; Ostrov Daues), nomeado en honor do navegante da Antártida John King Davis.
- illote Mak-Nulta (Остров Мак-Нульта; Ostrov Mak-Nulta);
- illote Tillo (Остров Тилло, Ostrov Tillo), nomeado en honor do cartógrafo ucraíno Oleksiy Tillo (1839-1900). Esta illa non debe confundirse coa illa Tillo do mar de Kara.
Notas editar
- ↑ John Nepomuk Graf Wilchek
- ↑ "Zemlya Vil’cheka". Mapcarta. Consultado o 6 de outubro de 2016.
- ↑ "Kupol Arktirazvedki". Mapcarta. Consultado o 7 de outubro de 2016.
- ↑ "Lednik Stremitel’nyy". Mapcarta. Consultado o 7 de outubro de 2016.
- ↑ "Kupol Tindalya". Mapcarta. Consultado o 7 de outubro de 2016.
- ↑ "Kupol Oblachnyy". Mapcarta. Consultado o 7 de outubro de 2016.
- ↑ "Gregory Petrovich Gorbunov". Arquivado dende o orixinal o 28 de xaneiro de 2008. Consultado o 11 de agosto de 2017.
Véxase tamén editar
| Wikimedia Commons ten máis contidos multimedia na categoría: Zemlya Vilcheka |