William Newton (político)
William Newton, nado contra 1783 e finado o 4 de novembro de 1862 foi un político inglés.
Traxectoria editar
William Newton era fillo de Samuel (ou James) Newton, un acomodado propietario dono dunha plantación de azucre no Caribe en Saint Kitts, e unha propiedade en Santa Cruz.[1][2]
Nacera en Stowey, Somerset, e educouse en Eton e no Pembroke College, da Universidade de Oxford. Instalouse en Suffolk en 1813, despois de que o seu pai comprara Elveden Hall, cerca de Thetford ao 4º Conde de Albemarle.[3]
Foi elixido membro do Parlamento do Reino Unido pola circunscrición de Ipswich, desde 1818 até 1820.[3]
Casou o 13 de decembro de 1811 en Ferry Fryston, Yorkshire. A súa esposa Elizabeth (ou Eliza) era a filla de Richard Slater Milnes, deputado do distrito de York. William e Eliza tiveron dez fillos; o seu quinto fillo, Alfred Newton, chegou a ser un famoso ornitólogo, e o sexto, Edward Newton, un administrador colonial, e tamén ornitólogo.
Notas editar
- ↑ Wollaston 1921, p. 1.
- ↑ Evans, David E. "Newton, Alfred (1829–1907)". Oxford Dictionary of National Biography. Oxford University Press.
- ↑ 3,0 3,1 History of Parliament. Newton, William (1783?-1862) de Elveden, Suffolk.