Wikipedia:Sobre Galicia/febreiro 2021

As Cruces é un lugar do concello coruñés de Sobrado, que forma parte de dúas parroquias: Cumbraos e Grixalba. Segundo o IGE, en 2018 a parte de Cumbraos tiña 35 habitantes (18 homes e 17 mulleres), mentres a de Grixalba tiña 36 habitantes (18 homes e 18 mulleres).

A localidade, asentada nunha antiga e importante encrucillada de camiños, é atravesada polo Camiño de Santiago, concretamente unha das variantes do Camiño do Norte. Até o comezo do século XXI celebrouse nela unha significativa feira tradicional.