Abrir o menú principal

Coordenadas: 35°43′30″S 174°19′25″L / -35.72500, -174.32361

Whangarei
Whangārei-terenga-parāoa
Whangarei view from parahki.JPG
Vista da cidade de Whangarei
Localización
Whangarei en Nova Zelandia
Whangarei
Whangarei
PaísFlag of New Zealand.svg Nova Zelandia
RexiónNorthland
Demografía
Poboación52.900 hab. (2013)
Densidadehab/km²
Outros datos
Código postal0110, 0112
AlcaldeSheryl Mai
Páxina web

Whangarei é a cidade mais ó norte de Nova Zelandia, e a capital da rexión de Northland. En 2010 tiña unha poboación estimada de 51.900 habitantes.

Índice

HistoriaEditar

O capitán James Cook foi o primeiro explorador europeo que divisou a entrada do actual porto de Whangarei en 1769. A comezos do século XIX a rexión viviu varias loitas entre grupos indíxenas de maorís. Os primeiros colonos que fixeron desta zona o seu fogar a partir de 1839 foron comerciantes escoceses. En 1845 comezou unha serie de guerras entre os grupos maorís da zona e o exército británico que fixo que a maioría dos colonos marchasen da súas granxas para non volver nunca. A partir de 1855 naceu unha pequena localidade a partir do comercio dunha resina fósil chamada Kauri, semellante ó copal. Ese asentamento creceu cos anos, axudado polo comercio de carbón, pedra calcaria, ladrillos etc. A finais do século XIX Whangarei xa era a localidade mais grande e importante da rexión de Northland. Nos comezos do século XX os recursos naturais da zona desapareceron pouco a pouco, pero a economía resistiu grazas á agricultura e á produción de leite. O ferrocarril chegou a Whangarei en 1925. Ata entón o principal medio de transporte da cidade eran os barcos que chegaban e saían do seu porto. Ó longo da primeira metade do século XX Whangarei converteuse no centro dos servizos da rexión de Northland, e xa na segunda metade do século, instalouse unha refinería de petróleo, desenvolveuse unha importante industria madereira, e o porto converteuse nun porto de contedores que lle dá servizo á cidade de Auckland.

ClimaEditar

O clima da cidade é subtropical, con poucas xeadas, moitas choivas, e temperaturas suaves no verán.

DeporteEditar

Como ocorre en toda Nova Zelandia, o rugby é o deporte mais importante en Whangarei. O equipo Northland Rugby Union compite cada ano na ITM Cup, e disputa os seus encontros no estadio Okara Park. Este estadio acollerá varios encontros da Copa do Mundo de Rugby 2011 que organiza Nova Zelandia.

Véxase taménEditar

Outros artigosEditar

Ligazóns externasEditar