Voo 612 de Air West
O voo 612 de Air West era un servizo doméstico regular de pasaxeiros entre Khartún e Al-Fashir, no Sudán. O día 24 de xaneiro de 2007 o Boeing 737 que operaba a ruta, con 103 persoas a bordo, foi secuestrado pouco despois da engalaxe por un único home.[1] O avión aterrou sen problemas en Xamena, Chad, onde o secuestrador se rendeu.
Voo 612 de Air West | |
---|---|
Boeing 737 semellante ao secuestrado
| |
Resumo | |
Data | 24 de xaneiro de 2007 |
Causa | secuestro |
Lugar | Xamena |
Coordenadas | |
Aeronave | |
Tipo de aeronave | Boeing 737 |
Operador | Air West |
Pasaxeiros | 95 |
Tripulación | 8 |
Superviventes | 103 (todos) |
Secuestro editar
O día do secuestro os ocupantes do avión eran todos sudaneses coa excepción dun cidadán británico e dun agregado militar italiano. Mohamed Abdu Altif, un home de 26 anos de Al-Fashir, entrou armado na cabina de mando do avión ás 09:00 hora local, unha media hora despois de engalar do aeroporto de Khartún. Ordenou ao piloto voar a Roma e despois a Londres.[1] Inicialmente informouse que a súa arma era un fusil de asalto AK-47, pero realmente era unha pistola.
Despois de que o piloto lle explicase de que non había suficiente combustible para chegar a Londres accedeu a voar ata Chad. Non fixo ameazas ou comunicacións aos pasaxeiros, ningún dos cales se decatou de que o avión fora secuestrado. Cando o avión entrou no espazo aéreo do Chad foi interceptado por cazas franceses Mirage F-1 estacionados en Xamena,[2] que escoltaron ao 737 ata que aterrou no aeroporto de Xamena, onde foi rodeado por tropas do Chad.[1] Tras 20 minutos de negociacións o secuestrador liberou os ocupantes do avión antes de renderse.[2]
Notas editar
- ↑ 1,0 1,1 1,2 "Sudanese hijack ends, hijacker seized in Chad - World - News Brief - Newsgd". www.newsgd.com. Consultado o 2019-01-19.
- ↑ 2,0 2,1 "Troops seize hijacker of Sudan plane in Chad". France 24. Archived from the original on 30 de setembro de 2007. Consultado o 2019-01-19.