Voo 602 de Iberia

O voo 602 de Iberia era un servizo entre o aeroporto de Valencia e o aeroporto de Eivisa. O día 7 de xaneiro de 1972 o Sud Aviation SE 210 Caravelle que operaba a ruta esnafrouse nunha montaña preto de Eivisa. Os 98 pasaxeiros e 6 tripulantes morreron no accidente.

Voo 602 de Iberia
Caravelle semellante ao accidentado
Resumo
Data  7 de xaneiro de 1972
Causa  voo controlado contra o terreo
Lugar  serra de Atalayasa
Coordenadas  Coordenadas: 38°54′13″N 1°15′04″L / 38.90361111, 1.25111111
Orixe  aeroporto de Valencia
Destino  aeroporto de Eivisa
Finados  104
Aeronave
Tipo de aeronave Sud Aviation SE 210 Caravelle
Operador  Iberia
Rexistro  EC-ATV
Pasaxeiros  98
Tripulación  6
Superviventes  0

Avión e tripulación editar

A aeronave era un Sud Aviation SE 210 Caravelle que voara por vez primeira o 25 de xuño de 1963 e estaba impulsado por dous motores turborreactores Rolls-Royce RA-29 Mk.533R Avon. Entregado a Iberia o 9 de xullo, o avión foi chamado inicialmente Tomás Luis de Victoria polo compositor español do mesmo nome, aínda que despois o nome acurtouse a Maestro Victoria.[1][2]

O voo 602 estaba baixo o mando do capitán de 37 anos José Luis Ballester Sepúlveda, con 7 000 horas de voo de experiencia, do primeiro oficial Jesús Montesinos Sánchez, e do enxeñeiro de voo Vicente Rodríguez Mesa.[3][4]

Accidente editar

O voo 602 era un servizo doméstico entre Valencia e Eivisa. O avión era un Sud Aviation SE 210 Caravelle, baixo o mando dun capitán de 37 anos con 7 000 horas de voo.[5][6] A bordo había 6 tripulantes e 98 pasaxeiros, a meirande parte deles valencianos que regresaban aos seus traballos en Eivisa despois das vacacións de Nadal.[5]

Ao redor das 12:15 p.m., o capitán solicitou permiso ao aeroporto de Eivisa para descender a 5 500 pés (1 676 metros). As fontes do aeroporto informaron que o capitán tamén dixo, "Preparádeme unha cervexa, estamos aquí".[5]

O avión estaba aproximándose á pista 07 cando descendeu por debaixo dos 2 000 pés (610 metros).[7] Segundo o informe do accidente, nin o capitán nin o copiloto se decataron do descenso perigoso, xa que estaban discutindo sobre un partido de fútbol co controlador da torre do aeroporto.[7] O voo 602 golpeou o monte Sa Talaiassa a uns 30 metros por debaixo do seu cumio de 462 metros.[5][8] O avión estoupou no impacto, matando os 98 pasaxeiros e 6 tripulantes a bordo.[6]

No momento do accidente, a visibilidade era dunhas 5-10 millas e o tempo foi descrito como moi cuberto con nubes rotas.

Causa editar

Determinouse que o piloto non puido manter a altitude mínima de voo para unha aproximación visual á pista 07.[9]

Notas editar

  1. "Aircraft Data EC-ATV, 1963 Sud Aviation SE-210 Caravelle VI-R C/N 163". www.airport-data.com. Consultado o 2024-01-14. 
  2. "Iberia EC-ATV – 07. January 1972 - SudAviation.com". web.archive.org. 2014-03-19. Arquivado dende o orixinal o 19 de marzo de 2014. Consultado o 2024-01-14. 
  3. "Spanish jet crashes; 104 aboard killed". The Blade. Toledo, Ohio. Reuters. 7 January 1972
  4. "Crash of a Sud-Aviation SE-210 Caravelle VI-R in Ibiza: 104 killed". Bureau of Aircraft Accidents Archives. Consultado o 2024-01-14. 
  5. 5,0 5,1 5,2 5,3 "Pilot calls for beer, then boom". The Windsor Star. 8 de xaneiro de 1972. 
  6. 6,0 6,1 "Spanish jet crashes; 104 aboard killed". The Blade. 7 de xaneiro de 1972. 
  7. 7,0 7,1 "Iberia EC-ATV – 07. January 1972 - SudAviation.com". sudaviation.com. Arquivado dende o orixinal o 19 de marzo de 2014. Consultado o 2019-01-30. 
  8. Ranter, Harro. "ASN Aircraft accident Sud Aviation SE-210 Caravelle VI-R EC-ATV Ibiza Airport (IBZ)". aviation-safety.net. Arquivado dende o orixinal o 07 de xullo de 2011. Consultado o 2019-01-30. 
  9. Gero, David (1996). Aviation Disasters Second Edition. Patrick Stephens Limited. p. 104