Voo 15 de Aeroflot
O voo 15 de Aeroflot era un voo de pasaxeiros entre o aeroporto de Moscova-Domodedovo e o aeroporto de Petropavlovsk-Kamchatsky cunha escala no aeroporto de Krasnoyarsk-Yemelyanovo que se estrelou o día 29 de febreiro de 1968 en ruta a Petropavlovsk. Todas as persoas a bordo agás unha morreron no accidente.[1]
| Voo 15 de Aeroflot | |
|---|---|
 Ilyushin Il-18D semellante ao do accidente
| |
| Resumo | |
| Data | 29 de febreiro de 1968 |
| Causa | perda de control |
| Lugar | Parchum, oblast de Irkutsk |
| Coordenadas | |
| Orixe | Moscova-Domodedovo |
| Derradeira escala | Krasnoyarsk-Yemelyanovo |
| Destino | Petropavlovsk-Kamchatsky |
| Finados | 83 |
| Aeronave | |
| Tipo de aeronave | Ilyushin Il-18D |
| Operador | Aeroflot |
| Rexistro | CCCP-74252 |
| Pasaxeiros | 75 |
| Tripulación | 9 |
| Superviventes | 1 |
Avión
editarO aparello involucrado no accidente era un Ilyushin Il-18D con rexistro CCCP-74252 da Dirección de Aviación Civil do Afastado Oriente de Aeroflot. No momeno do accidente tiña 342 horas de voo e 89 ciclos de presurización.[2]
Accidente
editarO voo completou exitosamente a parte da ruta entre Moscova e Yemelyanovo. Ás 22:03 (17:03 hora de Moscova), o Il-18 engalou de Yemelyanovo con 64 adultos e 11 nenos como pasaxeiros; dous pasaxeiros non estaban rexistrados. Tras completar a engalaxe o voo mantívose a unha altura de 8 000 metros. Ás 22:37 hora local a tripulación pasou a comunicarse co control de tráfico aéreo de Bratsk. Informouse de que a meteoroloxía era normal nese momento. Cando o avión estaba a unha distancia de 234 quilómetros do aeroporto indicouselle que seguise un rumbo de 270°. O tripulación confirmou recibir a información, dicindo que estaba a unha altura de of 8 000 e voando a 780 km/h, e agardaba sobrevoar o aeroporto de Bratsk ás 23:06 hora local.[3]
Ás 18:38:38 o aparello viuse forzado a un descenso súbito. A situación a bordo evolucionou cara a unha emerxencia completa ás 22:41:28. Cando o avión estaba a unha altura de 3 000 metros os controladores de tráfico aéreo detectaron unha curta transmisión inintelixible ás 22:43:12 do voo. A tripulación involuntariamente inclinou o avión máis aló do punto de exceso de velocidade mentres intentaba corrixir a inclinación do aparello. O sinal de "manter abrochados os cintos" foi encendida e nalgún momento o aparello voou invertido. A unha altura de 1 000 metros e a unha velocidade de 890 km/h, o avión comezou a desintegrarse, e ás 22:43:47 a aeronave esnafrouse a 13 km de Parchum e a 165 km ao oeste do aeroporto de Bratsk na taiga. O único supervivente foi un xove soldado atopado vivo aínda que ferido no lugar do accidente.[3]
Notas
editar- ↑ Ranter, Harro. "ASN Aircraft accident Ilyushin Il-18D CCCP-74252 Parchum, Chunsky District, Irkutsk Region". aviation-safety.net. Consultado o 2018-12-11.
- ↑ "✈ russianplanes.net ✈ наша авиация". russianplanes.net. Consultado o 2018-12-11.
- ↑ 3,0 3,1 "Катастрофа Ил-18Д Дальневосточного УГА в р-не Братска". airdisaster.ru. Consultado o 2018-12-11.