Voo 062 de Iberia

O voo 062 de Iberia era un voo regular de pasaxeiros entre o aeroporto de Málaga e o aeroporto de Londres-Heathrow. O 4 de novembro de 1967 o Sud Aviation Caravelle que operaba a ruta, con rexistro EC-BDD, descendeu moi por debaixo do nivel de voo asignado para a aproximación e bateu contra a ladeira sur de Blackdown Hill en West Sussex, matando os 37 ocupantes do aparello.

Voo 062 de Iberia
Un Caravelle semellante ao do accidente
Resumo
Data	4 de novembro de 1967
Causa	voo controlado contra o terreo
Lugar	preto de Blackdown Hill, West Sussex
Coordenadas
Finados	37 (todos)
Aeronave
Tipo de aeronave	Sud Aviation Caravelle
Operador	Iberia
Rexistro	EC-BDD
Pasaxeiros	30
Tripulación	7
Superviventes	0

Accidente

A hora do accidente foi aproximadamente as 10:02 pm, uns 5 minutos e medio despois de que o avión fose autorizado a descender de FL110 (11 000 pés) a FL60 (6 000 pés). Voando a unha baixa taxa de descenso, o Caravelle primeiro recurtou árbores preto de Black Down House, posteriormente atravesou un gran seto e atravesou un prado matando 65 ovellas e ferindo outras 23. O avión foise desintegrando, esnaquizando un garaxe e danando partes do tellado de Upper Black Down House.

O combustible causou pequenos lumes na ladeira arborada e os restos do avión quedaron espallados ao longo dos 325 metros polos que se arrastrou.

Investigación

A investigación non puido determinar o motivo polo que o avión descendeu do seu nivel de voo asignado. As gravacións de son tomadas do control de tráfico aéreo e da gravadora de voces da cabina non revelaron nada infrecuente. A investigación declarou que "non se atopou ningunha proba de ningún fallo ou defecto de antes do accidente na estrutura do avión, ou algún defecto de man de obra".

O informe da investigación centrouse moito na posibilidade de que a tripulación puidese malinterpretar os seus altímetros de "tres punteiros", que estaban deseñados para advertir aos pilotos cun indicador de trama cruzada cando a altitude estaba por debaixo dos 10 000 pés. Un extracto do informe dicía:

"A avión descendeu continuamente a un ritmo constante durante un período de 13 minutos e medio e os punteiros estarían en continuo movemento durante ese tempo, incrementando a probabilidade do erro na lectura. A trama cruzada neste tipo de altimetros aparece primeiro nunha fiestra no disco dos 10 000 pés a unha altura indicada de 26 666 pés e o bordo da trama debería ter estado visible durante os 2 minutos nos que o avión iniciou o seu descenso. A 10 000 pés a trama cruzada enche completamente a fiestra e queda chea sempre que o avión estea por debaixo dos 10 000 pés. Así a trama cruzada tería estado visible para a tripulación durante un período duns 9 minutos e medio antes de que o avión pasase por FL60 e é unha custión de conxecturas se aínda era unha advertencia efectiva para eles nesa etapa do descenso".

"Con este tipo de altímetro non é difícil ler unha indicación de 6 000 pés como 16 000 se non se toma en conta a posición do punteiro de 10 000 pés. As probas contra a posibilidade dunha sinxela lectura equivocada deste tipo é a mensaxe do avión ao control de tráfico aéreo informando que estaban pasando FL145, indicando nese momento a tripuación que sabían que estaban por debaixo dos 16 000 pés".

Vítimas

Entre os mortos estaba a actriz de cine e televisión británica June Thorburn, que estaba embarazada de cinco meses. Outros personaxes destacados eran o industrial e vicepresidente do Coventry City Football Club John Clarkson, e Donald "Doc" Campbell da Campbell Aircraft Company, fabricante de autoxiros.

Hi unha fosa común e un monumento conmemorativo para 19 dos falecidos a 28 km ao norte do lugar do accidente, no cemiterio de Brookwood, Surrey.