Virunga (filme)
Virunga é un filme documental británico de 2014 dirixido por Orlando von Einsiedel. O filme céntrase nos traballos de conservación dos gardiáns do Parque Nacional de Virunga, na República Democrática do Congo durante o alzamento do grupo armado M23 en 2012 e investiga a actividade da compañía pretoleira británica Soco International dentro do parque que é Patrimonio da Humanidade pola UNESCO.[1] Soco International acabou explorando oficialmente as oportunidades petroleiras en Virunga en abril de 2014.[2] O filme estreouse no Festival de Cinema de Tribeca o 17 de abril de 2014. Despois de estrearse a través de Netflix, foi nomeado ó Óscar ó mellor documental na 87ª edición dos premios.
| Virunga | |
|---|---|
| Ficha técnica | |
| Título orixinal | Virunga |
| Director | Orlando von Einsiedel |
| Produtor |
|
| Guión | Orlando von Einsiedel |
| Música | Patrick Jonsson |
| Fotografía | Franklin Dow |
| Montaxe |
|
| Estudio |
|
| Distribuidora | Netflix |
| Estrea | Tribeca: 17 de abril de 2014 |
| Duración | 100 minutos |
| Orixe | .svg){kind=small} Reino Unido R.D. do Congo |
| Xénero | Documental |
| Na rede | |
| http://virungamovie.com/ | |
          | |
Sinopse editar
O documental conta a historia de catro personaxes que loitan por protexer o Parque Nacional de Virunga na República Democrática do Congo, fogar dos últimos gorilas de montaña do mundo, que está ameazado pola guerra, a caza furtiva e a ameaza de exploración petrolífera. Seguindo ó coidador de gorilas André Bauma, ó gardián do sector central Rodrigue Mugaruka Katembo, ó gardián xefe Emmanuel de Merode e á xornalista de investigación francesa Mélanie Gouby, o filme céntrase na beleza natural e na biodiversidade de Virunga, así como os complexos problemas políticos e económicos que rodean a exploración petroleira e os conflitos armados na rexión.
Notas editar
- ↑ "Virunga National Park". World Heritage List. UNESCO. Consultado o 20 de agosto de 2014.
- ↑ Reuters Staff (23 de abril de 2014). "Oil firm Soco to begin seismic testing in Congo's Virunga park". Reuters (Thomson Reuters). Consultado o 20 de agosto de 2014.
Véxase tamén editar
Ligazóns externas editar
- Virunga na IMDb (en inglés).
- Ficha en RottenTomatoes (en inglés)
- Ficha en Metacritic (en inglés)