Vinho do Dão
Dão é unha Denominación de Orixe Protexida portuguesa para viños producidos na Rexión Demarcada do Dão, pertencente á provincia de Beira Alta, no centro de Portugal. Esta rexión atópase preto da Serra da Estrela e caracterízase polo seu relevo accidentado.
Características editar
A Região Demarcada do Dão foi instituída en 1908 e produce viños tintos con alta graduación. Ten preto de 20.000 hectáreas de viña en aproximadamente 376.000 hectáreas de terra, que se espallan por varios distritos como:
- Coímbra: Arganil, Oliveira do Hospital, Tábua;
- Guarda: Aguiar da Beira, Fornos de Algodres, Gouveia e Seia;
- Viseu: Carregal do Sal, Mangualde, Mortágua, Nelas, Penalva do Castelo, Santa Comba Dão, Sátão, Tondela e Viseu (parcialmente).