Victoriano Piñeiro

Victoriano Piñeiro Acosta, nado en Vilagarcía de Arousa en 1920 e finado no mesmo concello o 9 de outubro de 1993, foi un político galego.

Victoriano Piñeiro

Biografía
Nacemento	1920 Vilagarcía de Arousa, España
Morte	9 de outubro de 1993 (72/73 anos) Vilagarcía de Arousa, España
Alcalde de Vilagarcía de Arousa
1965 – 1976 ← Jacobo Rey Daviña – José Luis Nogueira Rodríguez →
Datos persoais
Educación	Universidade de Santiago de Compostela
Actividade
Ocupación	político

Traxectoria

Con estudos en Dereito na Universidade de Santiago de Compostela. Foi procurador dos tribunais. Traballou como auditor e xestor en Vilagarcía de Arousa onde foi designado concelleiro en 1960. Cinco anos despois, en 1965 foi nomeado, pola ditadura franquista, alcalde da cidade, cargo que ocupou ata a súa dimisión en 1976. Tamén ocupou un escano de deputado provincial durante máis dunha década. Durante o seu mandato como alcalde, Vilagarcía coñeceu unha excesiva expansión urbana.

Adquiriu xudicialmente, sendo alcalde de Vilagarcía de Arousa, o pazo Quinteiro da Cruz, en Lois, onde conseguiu unha importante colección de camelias.

Recoñecementos

Medalla de Ouro de Vilagarcía. Foi nomeado Alcalde Honorario Perpetuo e fillo predilecto de Vilagarcía.

Vida persoal

Casou con Maruxa Lago, e foi pai de Carmen, Beatriz, Teresa e Pedro Piñeiro Lago.