Ventura Sierra

político galego

Ventura Sierra Vázquez, nado en Vilariño de Conso o 13 de outubro de 1942, é un político galego do PPdeG.

Ventura Sierra
Nacemento13 de outubro de 1942
Lugar de nacementoVilariño de Conso
NacionalidadeEspaña
Ocupaciónpolítico
editar datos en Wikidata ]

Traxectoria editar

Nas primeiras eleccións democráticas foi elixido alcalde de Vilariño de Conso con maioría absoluta polo PSdeG-PSOE. Nas seguintes eleccións de 1983, 1987 e 1991 logrou de novo a alcaldía con maioría absoluta á fronte da candidatura socialista.

Nas municipais de 1995 pasou a formar parte do PPdeG xunta o seu equipo de goberno. Tras non lograr a maioría absoluta, perdeu a alcaldía en favor da candidata do BNG Manuela González Losada, grazas a un pacto co PSdeG-PSOE. Con todo, en abril de 1996 recuperou a alcaldía grazas a unha moción de censura apoiada por un tránsfuga exsocialista. Nas municipais de 1999 volveu presentarse polo PPdeG e continuou na alcaldía tras lograla maioría absoluta, de igual forma que nas municipais de 2003.

Nas municipais de 2007 perdeu a maioría absoluta, polo que o candidato do PSdeG-PSOE Arcadio González Rodríguez arrebatoulle a alcaldía grazas a un pacto co BNG. Tras diversas discrepancias entre os socios de goberno, o alcalde dimitiu en xuño de 2009, polo que recuperou a alcaldía pola indisciplina dun concelleiro do BNG que non apoiou ó novo candidato do PSdeG[1]. Volveu gañar as eleccións municipais de 2011 e 2015 con maioría absoluta.

O 20 de xullo de 2017 presentou a súa renuncia ao pleno do concello, logo de ter sido condenado a sete anos de inhabilitación para cargo público por contratar a 29 persoas sen convocatoria pública.[2] Ocupou o seu posto a primeira tenente de alcalde Melisa Macía Domínguez.[3]


Predecesor:
?
  
Alcalde de Vilariño de Conso
 
1979 - 1995
Sucesor:
Manuela González Losada
Predecesor:
Manuela González Losada
  
Alcalde de Vilariño de Conso
 
1996 - 2007
Sucesor:
Arcadio González Rodríguez
Predecesor:
Arcadio González Rodríguez
  
Alcalde de Vilariño de Conso
 
2009 - 2017
Sucesor:
Melisa Macía Domínguez

Notas editar

Véxase tamén editar

Outros artigos editar

Ligazóns externas editar