Vega (cantante)

cantante española

Mercedes Mígel Carpio, nada en Córdoba o 18 de febreiro de 1979, é unha cantautora española, coñecida artisticamente como Vega.

Vega
Vega (cantante)2.jpg
Vega na estrea da película Alicia no país das marabillas
Nacemento18 de febreiro de 1979
OrixeCórdoba
Ocupacióncantautora e cantante
XéneroPop, Indie, Pop Rock, Rock, Balada, Blues, Soul, Jazz
Selo(s) discográfico(s)Vale Music (2002 - 2004)
Universal (2005 - 2010)
Sony (2011 - Presente)
Na rede
http://www.vegamusic.es
editar datos en Wikidata ]
Vega (cantante).jpg

TraxectoriaEditar

O seu afán pola música remóntase á súa infancia. Foi a estudar Publicidade e Relacións Públicas a Segovia, onde traballou como camareira. Interrompeu a súa carreira na universidade para concursar en Operación Triunfo. O seu estilo musical abarca desde a canción de autor española ata o rock, pasando por estilos tan diversos como o jazz ou o pop comercial. A artista manifesta a súa admiración por artistas como Frank Sinatra, Luz Casal, U2, Los Piratas ou Sting.

No ano 2002 conseguiu o seu primeiro nomeamento na IV edición dos Premios EñE na categoría máis importante como é "Mellor canción do ano" polo seu primeiro single: "Quiero ser tú", que finalmente levou Amaral.

Un ano despois, en 2003 Vega rompeu todo os moldes ao levar os dous premios máis importantes Mellor canción do ano por "Grita!", e Mellor álbum do ano por India arrebatándolle os premios aos grandes favoritos Antonio Orozco e Malú e La Oreja de Van Gogh.

En 2006 consegue outros tres nomeamentos: Mellor canción do ano por "Una vida contigo", Mellor álbum do ano por Circular e Mellor intérprete solista feminina, finalmente non conseguiu ningún premio. Ademais polo tema "Una vida contigo", foi nomeada pola Academia das artes e as ciencias como Mellor autora revelación.

En 2009 volveu ao panorama musical cun disco composto integramente por ela, Metamorfosis, que sendo aclamado pola críitica e o público está levando a Vega a percorrerse toda a xeografía española dando concertos. Deste disco extraéronse catro singles: "Mejor mañana" que se converteu nun hit do verán, e o seu videoclip todo un éxito con máis dun millón de reproducións en YouTube, a sentida "Cuanta decepción", "Lolita" coa que saltou ao estranxeiro e "Nueva York" que pechou a etapa deste último disco.

En novembro de 2010 trasládase aos Ánxeles onde grava os temas do que sería o seu cuarto álbum de estudo. Foi a propia Vega quen impulsou e xestionou todo o relacionado con este disco ao non estar interesado en publicalo o seu anterior discográfica. Unha vez gravado, chegou a un acordo coa que pasou a ser a súa nova discográfica: Sony Music, que publicaría o álbum baixo o título de La cuenta atrás o 20 de setembro de 2011. Na súa primeira semana á venda, alcanzou o nº 6 da lista de vendas española e esgotouse en varias cidades en só uns días, sendo ata o momento o máis exitoso lanzamento da artista. O seu primeiro single foi estreado en xullo de 2011, titulado "Como yo no hay dos".

DiscografíaEditar

  • India (2003)
  • Circular (2006)
  • Circular: Cómo Girar sin dar la Vuelta (2007)
  • Metamorfosis (2009)
  • La cuenta atrás (2011)

SinglesEditar

  • "Quiero ser tú" (2002)
  • "Grita!" (2003)
  • "La verdad" (2004)
  • "Directo al sol" (2004)
  • "Una vida contigo" (2006)
  • "Y llueve" (2007)
  • "Mejor mañana" (2009)
  • "Cuanta decepción" (2009)
  • "Lolita" (2010)
  • "Nueva York" (2010)
  • "Como yo no hay dos" (2011)

Premios e nomeamentosEditar

Vega é unha intérprete respectada e que conseguiu varios nomeamentos e premios a nivel nacional. En 2006 conseguiu a súa primeira nomeación nos Premios de la Música na categoría de Mellor canción por "Una vida contigo". Anteriormente xa conseguiu varias nomeacións e foi premiada polos blogueros de EñE.

2002

  • Nomeación ó Premio EñE á mellor canción por "Quiero ser tú".

2003

2004

2006

  • Premio pola Academia das artes e as ciencias da música á Compositora revelación por "Una vida contigo"
  • Nomeación ó Premio EñE á mellor canción por "Una vida contigo".
  • Nomeación ó Premio EñE ó mellor álbum por Circular.
  • Nomeación ó Premio EñE á mellor intérprete solista.

2010

  • Premio Must! Magazine á mellor canción do ano por "Mejor mañana"
  • Premio Surrealista 2010 á mellor compositora

Véxase taménEditar

Ligazóns externasEditar