Valerià Paül Carril

Valerià Paül i Carril, nado en Barcelona o 21 de maio de 1979, é un xeógrafo catalán de orixe galega. É experto en paisaxe e Ordenación do Territorio de España.

Valerià Paül Carril

Biografía
Nacemento	21 de maio de 1979 (44 anos) Barcelona, España
Datos persoais
Residencia	Santiago de Compostela
País de nacionalidade	España
Educación	Universidade de Barcelona
Actividade
Campo de traballo	Xeografía (Paisaxe,Ordenación do Territorio e Análise Xeográfica Territorial)
Ocupación	xeógrafo
Empregador	Universidade de Santiago de Compostela
Membro de	Philosophy and science sections of the Institut d'Estudis Catalans (en) (2020–)
Lingua	Lingua catalá e lingua galega

Primeiros anos

Con raíces celanovesas, é residente de Santiago de Compostela. Licenciouse en Xeografía pola Universidade de Barcelona en 2001 recibindo o Premio Nacional de Fin de Carreira do Ministerio de Educación. Doutorouse cinco anos máis tarde coa tese L’ordenació dels espais agraris metropolitans. Plans, gestió i conflictes territorials a la regió de Barcelona, dirixida por Joan Tort i Donada e cuxa cualificación foi de sobresaliente cum laude. Nesta etapa orientou a súa carreira á investigación e especialización en Ordenación do Territorio e en estudos de paisaxe.

Carreira científica

Participou en diversos proxectos de investigación da Universidade de Barcelona, así como da Universidade de Santiago de Compostela, na que traballa na actualidade, e na Universidade de Australia Occidental. Traballou tamén no Observatori del Paisatge de Cataluña. Participou en proxectos como o Atlas de paisaxe baseado na obra de escritores da comarca do Empordà (2008) ou o Proxecto europeo Spatial Indicators for a Europe 2020 Strategy Territorial Analysis (SIESTA) (2011-2013). Á súa vez, é autor e coautor dun gran número de artigos científicos de relevancia internacional, coautor e coordinador de varios libros e obras colectivas, entre as que destacan Paisaxes galegas: unha escolma plural de olladas ás paisaxes de Galiza (coordinador, 2007), Territorios, paisajes y lugares: trabajos recientes de pensamiento geográfico (coordinador, 2005) o L'Empordà de Josep Pla (coautor con Joan Tort i Donada, 2009).

Ten colaborado e investigado con importantes xeógrafos de dentro e de fóra de España, entre os que destacan Joan Tort i Donada, Fiona Haslam McKenzie, Xosé Santos Solla, Juan Manuel Trillo Santamaría, Sébastien Rayssac ou Rubén Camilo Lois González, entre outros. Na actualidade é profesor e investigador na Universidade de Santiago de Compostela.