Val de Benasque

O val de Benasque (en aragonés Bal de Benás, en benasqués Ball de Benás) é un val pirenaico situado na comarca oscense da Ribagorza, no tramo superior da conca do río Ésera.

Mapa en relevo do val de Benasque.

Pico Aneto e a cachoeira de Aigualluts.

Os municipios que forman parte do val son Benasque e Sahún. No primeiro deles encóntrase o lugar de Sarllé (Cerler), no que se acha a estación de esquí Aramón Cerler.

No lugar fálase o que se coñece como o benasqués, unha fala de transición entre o aragonés e o catalán.

No val atópanse os cumios máis altos do Pireneo, destacando o Aneto, de 3.404 metros de altitude, e o Posets. A maioría dos glaciares pirenaicos están no val de Benasque.

Véxase tamén

Outros artigos

• Val de Estós.
• Val de Vallibierna.

Ligazóns externas

• Portal de información turística sobre o Val de Benasque
• Páxina do Concello de Benasque

Vista panorámica do macizo da Maladeta e a zona alta do val de Benasque.