Usuaria:AmeliaVR2019/Robustiana Mujika Egaña
| Biografía | |
|---|---|
Robustiana Mujika Egaña, máis coñecida como Tene (Deba, 24 de maio de 1888-16 de setembro de 1981), foi unha escritora e poeta nacionalista vasca.
Biografía
editarRobustiana Mujika nada en Deba (Guipúzcoa) en 1888 nunha familia de 12 irmáns. Os seus pais rexentaban a tenda de alimentación do pobo. Tene, profundamente nacionalista, dedicouse desde moi nova á política e á literatura en eúscaro. Participou como oradora en numerosos actos públicos de EAJ-PNV e en 1935 foi nomeada presidenta de Emakume Abertzale Batza de Guipúzcoa, a asociación feminina do Partido Nacionalista Vasco.[1]
A súa obra atópase dispersa en xornais: Euskal Esnalea, Euzko-Deya, Gure Herria, Euskerea, O Día, Euskadi, Agur, Luzaro, Goiz-Argi e Deva. Segundo declaracións de Tene, perdeu moitas cousas escritas, porque cando saíu cara ao exilio, a súa irmá, asustada, queimou todos os papeis que tiña.[2]
Os seus poemas máis importantes son Aberriaren udaberria, Ama, Arno'ko Kurutza e o máis famoso Miren Itziar'ri idazkiaz eta olerkiak (cartas e poemas a María de Itziar), 19 cartas e 23 poesías líricas e descritivas de paisaxe e ambientes da época. Dunha poesía súa dedicada ao outono, extraeu Watson Kirkconnell un fragmento para a antoloxía European Elegies, publicada no 1928 en Otawa, Canadá.
Tamén foi autora de obras teatrais como Gogo oñazeak e, en 1968, publica Cadernos do vascuence falado como axuda aos pais que enviaban os seus fillos ás ikastolas.[3]
En 1975 foi nomeada membro de honra de Euskaltzaindia, Real Academia da Lingua Vasca.
En 1983 o concello de Deba convocou na súa honra o I Concurso de Narracións Curtas Tene Múgica e en 2006 o consistorio guipuscoano, xunto á editorial ELKAR, converteu este certame literario na Bolsa Tene Mujika.[4][5]
Obras
editarPoemas
editar- Miren Itziar'ri idazkiaz eta olerkiak, 1923 (cartas e poemas a María de Itziar).
- Aberriaren udaberria
Monólogo
editar- Joan Xose
Obras de teatro
editar- Gogo oñazeak, 1934
- Gabon, 1935
Sobre a lingua vasca
editar- Cadernos do vascuence falado
Premios e recoñecementos
editar- Primeiro premio no II Antzerti Eguna de 1935 (II Día do Teatro)
- Primeiro premio dos Xogos Florais de Ondarroa
- Premio no congreso Mariano de Oñate polo monologo Joan Joxe
Referencias
editar- ↑ "Tene Mujika | Deba Información". 8 de julio de 2014. Consultado o 30 de diciembre de 2018.
- ↑ "Tene Mujika — Ayuntamiento de Deba". Consultado o 29 de diciembre de 2018.
- ↑ "Mugica Egaña, Robustiana - Auñamendi Eusko Entziklopedia". Consultado o 29 de diciembre de 2018.
- ↑ "Nueva convocatoria de la Beca Tene Mujika — Ayuntamiento de Deba". Consultado o 29 de diciembre de 2018.
- ↑ "Tene Mujika bekaren 13. deialdia abenduaren 10era arte egongo da zabalik. Deia, Noticias de Bizkaia". Consultado o 29 de diciembre de 2018.
Enlaces externos
editar[[Categoría:Literatura en lingua éuscara]] [[Categoría:Poetas]] [[Categoría:Escritora]] [[Categoría:Escritores século XX]] [[Categoría:Guipuzcoanos]]