Urticales

Urticales foi considerado como unha orde de plantas herbáceas e leñosas.

Historia do taxon

Tras a clasificación realizada polo sistema de clasificación APG III de 2009, as plantas correspondentes a esta orde, incluíndo catro familias, pasaron a formar parte da orde Rosales e da subclase Rosidae. A razón do cambio de subclase débese ao abandono do mesmo taxon Hamamelidae, por mor tamén do sistema APG III.

As catro familias a seguir considéranse, polo tanto, dentro da orde Rosales, e debido á relación que posúen entre elas tras estudar as análises filoxenéticas das súas secuencias de ADN, denomínanse tamén como rósidas urticales.

• Rosales
  • Rosales s.str.
  • ex-Urticales
    • Ulmaceae
    • Cannabaceae
      • Moraceae
      • Urticaceae

Cómpre salientar outras dúas familias consideradas con anterioridade dentro deste taxon: Celtidaceae e Cecropiaceae:

• Celtidaceae: pasou a incluírse nun principio á familia Ulmaceae como xénero Celtis. Con todo, análises xenéticas do Angiosperm Phylogeny Group amosaron que correspondía máis axeitadamente á familia Cannabaceae.
• Cecropiaceae: está incluída na familia das urticáceas, dando lugar ao xénero Cecropia.

Características

Flores variábeis, hermafroditas e unisexuais; xineceo frecuentemente súpero, de carpelos abertos, unilocular; en xeral anemófilas e solitarias, si hai inflorescencias, estas son illadas e variábeis, raramente en amentos monoclamídeos. Os froitos son drupas denominadas tamén núculas. Chalazogamia até porogamia.