Urbano I, chamado logo santo Urbano, nado probablemente en Roma[1] e morto seguramente na mesma cidade o 23 de maio de 230, foi bispo cristián desa cidade entre o 222 e o 230.

Urbano I
AlcumeSan Urbano
Nacementovalor descoñecido
Lugar de nacementoRoma
Falecemento19 de maio de 230 e 23 de maio de 230
Lugar de falecementoRoma
SoterradoCatacumba de Calisto
NacionalidadeRoma Antiga
Relixióncatolicismo
Ocupaciónsacerdote católico
Períodoentre os anos 222-230
Coñecido porser o papa n° 17 da igrexa católica
OrganizaciónIgrexa católica
CargosBispo de Roma
editar datos en Wikidata ]
Santo Urbano

Traxectoria editar

Vida e pontificado editar

Pouco se sabe da vida de Urbano I, fóra de que durante o seu pontificado continuou a herexía de Hipólito, pero o clima de paz nos tempos do emperador Alexandre Severo fixo aumentar as cifras de fieis, o que se percibe no crecemento de extensión das catacumbas. Conforme o Liber pontificalis Urbano I estableceu que os vasos sagrados fosen de prata e que as esmolas recibidas pola Igrexa se destinasen exclusivamente aos pobres e ao culto.

Morte e santidade editar

Como todos os papas anteriores ao edicto de Milán, foi considerado santo. Tamén se ten sinalado que foi mártir, se ben non está demostrado en absoluto. A súa festa é o 25 de maio. No 862, Nicolao I enviou parte das reliquias a Carlos II de Francia, a Auxerre, onde foi venerado como patrón das viñas. Durante tempo foi considerado avogoso contra as treboadas, a gota e a embriaguez.

Parroquias en Galicia editar

Non hai ningunha parroquia galega baixo a avogación de santo Urbano.

Iconografía editar

A miúdo, Urbano I é representado sentado, coa tiara papal e cunha espada apuntada cara ao chan. Noutros casos leva unha mitra bispal, unha Biblia e un acio de uvas na man, como lle corresponde por ser nalgunhas zonas de Europa central patrón das viñas.

Notas editar

  1. Donald Attwater. A Dictionary of the Popes. The Catholic Book Club. Londres. 1939, páxina 15

 
 Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.