Universidade Antonio de Nebrija

A Universidade Antonio de Nebrija é unha universidade privada española, con sede na cidade de Madrid. O seu nome rende homenaxe a Antonio de Nebrija.

Universidade Antonio de Nebrija
Tipo	universidade privada
Epónimo	Antonio de Nebrija
Localización
40°25′46″N 3°42′47″O
Estado	España
Comunidade autónoma	Comunidade de Madrid
Concello	Madrid
Datas
Fundación	1995
Membro de
Membro de (maio de 2022)  Conferencia de Rectores de las Universidades Españolas
Composto por
Composto por  Universidad Nebrija, Hoyo de Manzanares (en)
Contacto
Páxina WEB	nebrija.com
Redes
[ Wikidata ]

Historia

Obtivo o seu pleno recoñecemento oficial pola aprobación da Lei 23/95 de 17 de xullo (BOE de 18 de xullo de 1995).

Escolas e facultades

• Escola Politécnica Superior e Escola de Arquitectura
• Facultade de Ciencias da Comunicación
• Facultade de Ciencias Sociais
• Facultade das Artes e as Letras
• Ciencias da Saúde
• Nebrija Business School

Campus

Campus da Berzosa, en Hoyo de Manzanares.

A Universidade Antonio de Nebrija conta con dous campus. O da Dehesa de la Villa alberga o Centro de Estudos Hispánicos, a Nebrija Business School, a Escola Politécnica Superior Arquitectura, e varios programas da Escola de Posgrao. Atópase na cidade de Madrid.

No campus da Berzosa están situadas as facultades de Ciencias Sociais, de Ciencias da Comunicación e das Artes e as Letras. Sitúase en Hoyo de Manzanares, xunto a Torrelodones, lindando coa vía de servizo da estrada da Coruña (A-6). Este campus conta coa súa recreación virtual en 3D dentro da plataforma Google Earth.

No Centro Universitario San Rafael-Nebrija, situado no centro de Madrid na rúa Serrano, impártense as titulacións de Ciencias da Saúde.

Programas de intercambio de estudantes

Conta con programas internacionais, uns con dobre titulación e outros que facilitan aos estudantes españois a posibilidade de realizar cursos en universidades de Europa, Estados Unidos ou Canadá, así como a asistencia de alumnos estranxeiros recibidos nos seus campus.

Fundación Antonio de Nebrija

A Fundación Antonio de Nebrija, unha fundación privada de carácter cultural e docente promove a concesión de bolsas e premios de investigación, a convocatoria de foros, actos académicos, conferencias e congresos, así como ao desenvolvemento de actividades universitarias, culturais e sociais. A súa sede atópase na rúa Cea Bermúdez nº 59 de Madrid.

Véxase tamén

Outros artigos

• Antonio de Nebrija

Ligazóns externas

• Sitio web da Universidad Nebrija