Trofeo Catalunya Internacional
O Trofeo Catalunya Internacional foi un torneo amigable de fútbol que organizaba a Federación Catalá de Fútbol e que enfrontaba á Selección de Cataluña con outro combinado internacional. Foi creado en 2009 e disputáronse cinco edicións.
| Tipo | competición futbolística  |
|---|---|
| Deporte | fútbol |
| Localización e Datas | |
| Localización | Cataluña (España) 41°50′15″N 1°32′16″L / 41.8375, 1.5378 |
| País | España |
| Vixencia | 2009 – |
Historia
editarDesde os anos 1990, a selección catalá de fútbol disputaba anualmente un partido amigable de carácter internacional, coincidindo coas festas do Nadal. No marco das reivindicacións catalás para poder participar en competicións oficiais, en 2009 o presidente a Federación Catalá de Fútbol, Jordi Casals, anunciou a conversión dese amigable nun torneo anual, bautizado como Trofeo Catalunya Internacional. Como premio para o gañador, o artista Joan Moura doou un escultura que simboliza as catro barras da senyera catalá.[1]
Na primeira edición, que se disputou o 22 de decembro de 2009, a Cataluña de Johan Cruyff venceu por 4-2 á selección arxentina, dirixida entón por Diego Armando Maradona, quen non puido sentar no banco por unha sanción.[2] Un ano máis tarde os anfitrións volveron levar o trofeo tras golear á mundialista Honduras por 4-0.
Na terceira edición, tras o empate, a selección catalá, nunha decisión de fair play, decidiu entregar o trofeo a Tunisia.[3]
Palmarés
editarEdicións
editar| Edición | Data | Lugar | Estadio | Campión | Subcampión | Resultado |
|---|---|---|---|---|---|---|
| I | 22/12/2009 | Barcelona | Camp Nou |  Cataluña |
 Arxentina |
4-2 |
| II | 28/12/2010 | Barcelona | Lluís Companys | Cataluña |
 Honduras |
4-0 |
| III | 30/12/2011 | Barcelona | Lluís Companys |  Tunisia |
Cataluña |
0-0 |
| IV | 2/1/2013 | Cornellà | Cornellà-El Prat |  Nixeria |
Cataluña |
1-1 |
| V | 30/12/2013 | Barcelona | Lluís Companys | Cataluña |
 Cabo Verde |
4-1 |
| VI | 28/12/2016 | Tunisia
|
Cataluña
|
3-3 (4-2) |
Equipos con máis títulos
editar| Equipo | Títulos |
| Cataluña
|
3 |
|---|---|
| Tunisia
|
2 |
| Nixeria
|
1 |
Notas
editar- ↑ El Economista, ed. (9 de decembro de 2009). "Casals: "Catalunya debe xogar contra as mellores 15 seleccións do mundo"" (en castelán). Consultado o 11 de decembro de 2009.
- ↑ Diario Clarín, ed. (23 de decembro de 2009). "A Selección fallou demasiado e caeu ante Catalunya sen atenuantes" (en español). Arquivado dende o orixinal o 25 de decembro de 2009. Consultado o 16 de xaneiro de 2010.
- ↑ Mundo Deportivo, ed. (31 de decembro de 2011). ""Catalunya-Tunisia: Unha gran festa"" (en castelán). Consultado o 18 de maio de 2012.