Cornellà de Llobregat

Cornellà de Llobregat
	Brasón
Localización
	41°21′18″N 2°04′16″L / 41.355, 2.0711111111111
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Baix Llobregat
Capital	Cornellà de Llobregat (en)
Poboación
Poboación	91.589 (2024) (13.102,86 hab./km²)
Número de fogares	22 (1553)
Lingua oficial	lingua catalá
Xeografía
Parte de	Q107554280
Superficie	6,99 km²
Bañado por	Río Llobregat
Altitude	27 m
Comparte fronteira con	L'Hospitalet de Llobregat ; Sant Boi de Llobregat ; Esplugues de Llobregat ; El Prat de Llobregat ; Sant Joan Despí
Organización política
• Alcalde	Antonio Balmón Arévalo (en) (2004–)
Orzamento	79.434.024 € (2017)
Identificador descritivo
Código postal	08940
Fuso horario	UTC+01:00
Código INE	08073
Código territorial IDESCAT	080734
Outro
Irmandado con	Jinotega ; Mariel (pt)
Sitio web	cornella.cat

Cornellà de Llobregat é un municipio e cidade española, que forma parte da comarca do Baix Llobregat, na provincia de Barcelona, Cataluña. Limita cos municipios de L'Hospitalet de Llobregat, Sant Boi de Llobregat, El Prat de Llobregat, Sant Joan Despí e Esplugues de Llobregat.

Historia

Castelo de Cornellà

A historia de Cornellà de Llobregat está definida por tres factores principais: a súa proximidade á cidade de Barcelona, o ser un territorio de paso (así como toda a comarca do Baix Llobregat) das vías de entrada e saída da capital de Cataluña, e a presenza do río Llobregat. O seu nome posúe unha orixe romana (Cornelianus) e as características arquitectónicas da cidade posúen trazos visigóticos.

A primeira referencia escrita da cidade data de 980, cando xa existía unha igrexa e unha torre de defensa contra os sarracenos no mesmo lugar que onde hoxe se establece o actual Castelo (construído no século XIV). A cidade foi incorporada ao territorio de Barcelona no século XIII e por pouco tempo, pertenceu ás "Franqueses del Llobregat", onde se desenvolvía principalmente a actividade agrícola. A cidade foi dominada polos "masos" ata o século XVIII.

No ano 1716 a cidade separouse de Barcelona polo Decreto de Nova Planta, e pasou a formar parte da comarca do Baix Llobregat. No ano 1819, xunto coa inauguración da Canle da Infanta desenvólvese o regadío e comézase un proceso de industrialización. O ferrocarril chega á cidade en 1854. Durante un século o sector téxtil convértese na base económica do municipio e á vez crecen os núcleos de poboación separados do centro (barrios de Riera, Almeda, El Pedró e La Gavarra). De 1950 en diante, multiplícase a chegada de novos habitantes e acentúase o proceso de industrialización e urbanización. Constrúese o barrio de Sant Ildefons (anos 60) e Fontsanta (1974). Chégase a 100.000 habitantes en 1979.

A cidade adquire relevancia como referente da loita obreira e social pola democracia nos últimos anos do franquismo.

Xeografía

A cidade de Cornellà está ao suroeste da gran conurbación que ten por centro Barcelona. Cornellà sitúase ao nordés do gran meandro do Llobregat, entre a beira esquerda do río e os estribos da montaña de Collserola, no límite nororiental do delta do Llobregat.

O clima é tipicamente mediterráneo cunha media anual duns 7 a 9 °C no inverno e uns 28 a 30 °C no verán. Nos meses de xullo e agosto corresponde o período de mínimos de choiva e máximos de temperatura. Os máximos en canto a precipitacións rexístranse en xeral no outono.

Demografía

Evolución demográfica
1900	1930	1950	1970	1981	2000	2008
2.197	7.031	11.473	77.314	90.956	80.998	85.180

Distritos

Barrio de Sant Ildefons, coa Torre de la Miranda.

Cornellà de Llobregat divídese administrativamente en seis distritos (I, II, III, IV, V e VI). Estes distritos coinciden parcialmente coa división máis usual e recoñecible por parte da poboación, que corresponde aos seguintes barrios:

Cornellà de Llobregat

Índice

Historia

Xeografía

Demografía

Distritos

Galería de imaxes

Véxase tamén

Ligazóns externas