Un triciclo[1] (de tri, tres e do grego κύκλος, círculo, roda) é un vehículo de tres rodas, xeralmente impulsado por forza humana. Tamén entran na categoría os triciclos motorizados que son moi similares a unha motocicleta. Polo común os automóbiles con tres rodas non se denominan triciclos.

Triciclo antigo.

Son amplamente coñecidos os triciclos para nenos, xa que adoitan ser o primeiro vehículo de moitos pequenos debido á súa estabilidade, potencial de diversión e prezo. Polo xeral os pedais que o impulsan atópanse na roda dianteira, se ben algúns posúen piñóns e cadea similar ao da bicicleta impulsando as rodas traseiras.

O primeiro triciclo foi construído en 1655 ou 1680 por un parapléxico alemán chamado Stephan Farffler, que vivía preto de Nürnberg. Farffler era un reloxeiro e o seu triciclo tiña engrenaxes e manivelas que lle permitían moverse sen necesidade de usar as súas pernas.[2][3]

Notas editar

  1. Definicións no Dicionario da Real Academia Galega e no Portal das Palabras para triciclo.
  2. Greene, Steve (2011). Free on Three: The Wild World of Human Powered Recumbent Tadpole Tricycles. iUniverse. p. 21. ISBN 978-1462021604. 
  3. «Medical Innovations - Wheelchair». Science Reporter 44: 397. 2007.

Véxase tamén editar


 
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.