Tratado de Pinckney

O Tratado de Pinckney é un tratado entre España e os Estados Unidos. Tamén se coñece como Tratado de San Lorenzo ou Tratado de Madrid de 1795.

Historia

O tratado foi presentado ao Senado dos Estados Unidos o 26 de febreiro de 1796 e despois de varias semanas de debate foi ratificado o 7 de marzo de 1796. Foi ratificado por España o 25 de abril de 1796 e nesa data intercambiáronse as ratificacións. O tratado foi proclamado o 3 de agosto de 1796.

Contido

Definía os límites dos Estados Unidos coas colonias españolas e garantiu os dereitos de navegación dos Estados Unidos no río Mississippi. O título completo do tratado é Tratado de amizade, límites e navegación entre España e os Estados Unidos (en inglés Treaty of Friendship, Limits, and Navigation Between Spain and the United States). Thomas Pinckney negociou o tratado para os Estados Unidos e don Manuel Godoy representou a España. Entre outras cousas, puxo fin á primeira fase da Controversia da Florida Occidental, unha disputa entre as dúas nacións polos límites da colonia española de Florida Occidental.

Véxase tamén

Outros artigos

• Alabama
• Florida, Estados Unidos
• Florida española
• Luisiana, Estados Unidos
• Luisiana, Nova Francia

---

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---