Tránsito de Venus

O tránsito de Venus é un raro fenómeno astronómico que consiste no paso do planeta Venus por diante do Sol.

Tránsito de Venus o 8 de xuño de 2004.

Características

A diferenza doutros tránsitos máis frecuentes, como os de Mercurio por diante do Sol, o de Venus prodúcese cunha frecuencia duns 120 anos, 6 anos, 120 anos etc. Estes ciclos débense á inclinación relativa das órbitas da Terra e Venus e os seus períodos de revolución.

A última vez que se puido apreciar en Galicia foi visible dende a Mariña de Lugo o 8 de xuño do 2004, cando Venus fixo aparición ás sete e vinte da mañá e saíu do disco á unha e vinte e cinco. O fenómeno volveu facerse visible desde gran parte da Terra, pero non desde Galicia, o 5-6 de xuño de 2012.