Tombo de Toxos Outos

O Tombo de Toxos Outos é unha compilación realizada polos monxes do mosteiro de San Xusto de Toxos Outos no século XIII (a. 1289), cando Sancho Eanes era abade, relacionada coas súas posesións. Na actualidade a documentación do tombo atópase no Arquivo Histórico Nacional.

Tombo de Toxos Outos
Tipo	compilación e manuscrito iluminado
Linguas lingua latina lingua galega lingua castelá
Localización
Colección	Arquivo Histórico Nacional
Acontecementos
1038 – 1334	redacción
[ Wikidata ] [ C:Commons ]

Contido

As páxinas orixinais do tombo chegan ata o folio 192r, no revés do cal comeza unha escritura diferente. A escritura orixinal é de tipo carolinxio, mentres que a parte engadida está redactada en letra gótica cursiva pertencente á primeira metade do século XIV. Os folios orixinais salientan pola mestura dun romance (ou latino-romance) con formas latinas e viceversa: «Jtem de quarta donega a quinta polos Berbegoes e XX dineiros de renda pro frater Dominico Caualeyro». Os documentos, de ámbito eclesiástico, pódense dividir en dispositivos (instrumentos notariais) e non-dispositivos (novas ou minutas). No primeiro caso, un fedatario protocolariza e rexistro o documento, o cal adquire un valor legal e público, así como unha credibilidade social. En segundo lugar, a documentación non-dispositva carece de valor xurídico e diplomático xa que non hai un validador que lle confira autenticidade e efecto xurídico-administrativo ao feito que se dá conta. Este tombo foi salientado por moitos historiadores debido ás súas miniaturas.

Galería de imaxes

• 
  Diego Xelmírez
• 
  Vermudo Pérez de Traba, a condesa Tareixa de Portugal e Urraca Henriques.
• 
  Fernando II e Urraca de Portugal.
• 
  Afonso VIII e Berengaria de Castela.
• 
  Fernando III.
• 
  Afonso IX e Violante de Aragón.

Véxase tamén

Outros artigos

• 100 Galicia cen. Obxectos para contar unha cultura