Todo isto che darei
Todo isto che darei (en castelán: Todo esto te daré) é unha novela negra en lingua castelá escrita pola autora vasca Dolores Redondo, publicada pola Editorial Planeta[1]. Foi traducida ao galego por María Dolores Torres París e publicada por Edicións Xerais.
| Todo isto che darei | |
|---|---|
| Título orixinal | Todo esto te daré |
| Autor/a | Dolores Redondo |
| Orixe | España |
| Lingua | castelán |
| Xénero(s) | Novela negra |
| Editorial |  Editorial Planeta Edicións Xerais |
| Data de pub. | 2016 |
| Páxinas | 624 |
| Tradución | María Dolores Torres París |
| [ editar datos en Wikidata ] | |
Foi a gañadora da 65ª edición do Premio Planeta,[2] concurso ao que se presentou co título de Sol de Tebas e baixo o seudónimo de Jim Hawkins.[3]
Trama editar
Manuel Ortigosa, un afamado escritor, atópase rematando a súa última novela no seu domicilio de Madrid cando recibe a noticia de que o seu marido acaba de falecer nun accidente de tráfico na Ribeira Sacra. Tras a súa viaxe para identificar o cadáver, empeza a procura da verdade nunha contorna e unha familia na que nada é o que parece.