Thomas Kent
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2018.) |
Thomas Kent (en irlandés Tomás Ceannt) nado en Castlelyons no Condado de Cork (Irlanda) en 1865 e finado no cuartel militar de Collins Barracks no Condado de Cork (Irlanda) o 9 de maio de 1916, foi un nacionalista irlandés condenado a morte por un consello de guerra e fusilado tras un tiroteo coa Royal Irish Constabulary (RIC) o 2 de maio de 1916, pouco tempo despois do Alzamento de Pascua.
  | |
| Biografía | |
|---|---|
| Nacemento | 29 de agosto de 1865 Castlelyons (en)  |
| Morte | 9 de maio de 1916 (50 anos) Collins Barracks (en) |
| Causa da morte | pena de morte, ferida por arma de fogo |
| Datos persoais | |
| País de nacionalidade | Irlanda |
| Actividade | |
| Ocupación | revolucionario |
| Carreira militar | |
| Lealdade | Óglaigh na hÉireann |
| Conflito | Alzamento de Pascua |
| Outro | |
| Condenado por | asasinato |
 | |
A Alzamento de Pascua
editarThomas Kent formaba parte dunha importante familia nacionalista que vivía en Bawnard House, Castlelyons, Condado de Cork. Estaban preparados para tomar parte no Alzamento de Pascua, mais cando a orde de mobilización foi revogada, permaneceron na casa. O Alzamento, non obstante, foi adiante en Dublín, e a RIC foi enviada para deter simpatizantes coñecidos no país incluíndo, mais non limitado, a membros coñecidos da Irmandade Republicana Irlandesa, Sinn Féin, e os Voluntarios Irlandeses. Cando a residencia Kent foi atacada encontráronse coa resistencia de Thomas e os seus irmáns Richard, David e William. Durante o tiroteo, que durou catro horas, o oficial da RIC Head Constable William Rowe foi morto e David Kent resultou seriamente ferido. Ao final os Kent foron obrigados a renderse, aínda que Richard fixo unha última carreira pola liberdade e foi fatalmente ferido.
Xuízo e execución
editarThomas e William foron xulgados por unha corte marcial polo asasinato do Head Constable Rowe. William foi absolvido, mais Thomas foi sentenciado a morte e fusilado en Cork o 9 de maio de 1916. David Kent foi levado a Dublín, onde foi acusado do mesmo delito, declarado culpable e sentenciado a morte, mais a pena foille conmutada e finalmente foi condenado a cinco anos de servidume penal. Á parte do caso singular de Roger Casement, Thomas Kent foi a única persoa de fóra de Dublín executada polo seu papel nos acontecementos da Semana Santa. Foi enterrado en Collins Barracks, Cork (anteriormente Victoria Barracks).
Ferrocarril
editarA principal estación de ferrocarril da cidade de Cork, a Kent Station recibe o seu nome en homenaxe a Thomas Kent.